បរទេស៖ Mohamed Salah សម្លឹងតាមស្មើ កំណត់ត្រារបស់អតីតខ្សែប្រយុទ្ធ Man. Utd លោក Ruud van Nistelrooy និងវីរបុរសកាំភ្លើងធំ Arsenal លោក Thierry Henry នៅពេលក្រុមគូសត្រូវចាស់របស់ខ្លួនគឺហង្សក្រហម Liverpool ប៉ះជាមួយក្រុមអធិរាជស Real Madrid ក្នុងការប្រកួតវគ្គផ្តាច់ព្រ័ត្រ Champions League នៅវេលាម៉ោង២រំលងអធ្រាតថ្ងៃសៅរ៍ឈានចូលថ្ងៃអាទិត្យទី២៩ ឧសភា ២០២០២២ ។ខ្សែប្រយុទ្ធអន្តរជាតិអេហ្សីបវ័យ៣០ឆ្នាំរូបនេះរកបាន៣១គ្រាប់ក្រោយបង្ហាញខ្លួន៥០ដងគ្រប់ក្របខណ្ឌប្រកួតនៅរដូវកាលនេះ។ក្នុងនោះការស៊ុតបាល់បញ្ចូលទីចំនួន ៨ គ្រាប់នៅក្របខ័ណ្ឌ Champions League រដូវកាលនេះ បានធ្វើឱ្យរូបគេរកបានគ្រាប់បាល់ សរុប៣៣គ្រាប់ហើយ ក្រោមការដឹកនាំរបស់គ្រូបង្វឹកលោក Jurgen Kloppតែម្នាក់នោះ ។
បច្ចុប្បន្នមានកីឡាករតែបីនាក់ប៉ុណ្ណោះក្នុងប្រវត្តិសាស្ត្រ Champions League ដែលរកបានគ្រាប់បាល់ច្រើនបំផុតកំលុងពេលលេង ក្រោមការដឹកនាំរបស់គ្រូបង្វឹកតែ១រូបនោះ។ ទី១គឺ Lionel Messi ឈរនៅកំពូលតារាងរកបាន៤៣គ្រាប់ ក្រោមការដឹកនាំរបស់អតីតគ្រូបង្វឹក Barcelona លោក Pep Guardiola ខណៈ Van Nistelrooy ធ្លាប់លេងក្រោមការដឹកនាំរបស់អតីតអ្នកចាត់ការ Man. United លោក Sir Alex Ferguson និង Theirry Henry ក្រោមការដឹកនាំរបស់អតីតគ្រូបង្វឹក Arsenal លោក Arsene Wenger ៣៥គ្រាប់ដូចគ្នាមុនផ្ទេរទៅកាន់ក្លឹបបន្ទាប់ទៀតនោះ។
ដូច្នេះការប្រកួតនៅកីឡដ្ឋាន Stade de France ប្រសិនជាSalah ធ្វើបានHat-Trick ចាប់ពី៣-៤គ្រាប់ នោះនិងនាំអោយរូបគេតាមទាន់កំនត់ត្រារបស់Van Nistelrooy និង Henry ដោយឈរនៅលេខរៀងទី២ក្នុងនាមអ្នករកគ្រាប់បាល់ ច្រើនបំផុតក្រោមការដឹកនាំរបស់គ្រូបង្វឹកតែម្នាក់។Salah ទើបទទួលបានពានរង្វាន់ស្បែកជើងមាសនៅក្របខណ្ឌ Premier League ជាមួយនឹង Son Heung-min របស់ Tottenham Hotspur ក្រោមរកបាន២៣គ្រាប់និងassists១៣ ដង ។
ប្រភពព័ត៍មាន៖ Sportsmole
