បរទេស៖ ខ្សែបម្រើកណ្តាល Eden Hazard និងមិត្តរួមក្រុមគឺខ្សែការពារស្លាបស្តាំ Dani Carvajal បានជាសះស្បើយពីរបួសនិងចូលលេងជួយក្រុមក្នុងជំនួប El Clasico ខណៈពួកគេទាំងពីរមានឈ្មោះក្នុងបញ្ជីរបស់អ្នកចាត់ការទូទៅលោក Ancelotti សម្រាប់ការប្រកួតនៅ Camp Nou នាថ្ងៃអាទិត្យនេះ។
គ្រូវបង្វឹកសញ្ជាតិអ៊ីតាលីបានបញ្ជាក់ប្រាប់ផងដែរថាកីឡាករសំខាន់ទាំងពីររូបនេះ និងមានវត្តមានមកហ្វឹកហាត់ចាប់តាំងពីថ្ងៃព្រហស្បត្ត៏ពោលគឺបីថ្ងៃមុនការប្រកួតដ៏ធំនិងដំបូងបំផុតនៅLaLiga រដូវកាលនេះ។ លោក Ancelotti បានបញ្ជាក់ពីស្ថានភាពកីឡាករទំាងពីរ ប្រាប់ Moviestar+ ថា៖ «ក្រុមកំពុងធ្វើបានល្អព្រោះ Hazard និង Carvajal កំពុងត្រលប់មកជួយក្រុមវិញ។ អតីតគ្រូបង្វឹក Everton ក៏បានបង្ហាញផងដែរថាគាត់នឹងមិនមានការផ្លាស់ប្តូរច្រើនទេនៅក្នុងជម្រើស ១១ នាក់ដំបូងក្រោយផ្តួល Shakhtar។ យើងត្រូវលេងតាមរបៀបដែលយើងបានលេងកន្លងមកគឺទម្រង់ ៤-៣-៣»។
បច្ចុប្បន្នBarcelona ឈរនៅលេខរៀងទី៧ មាន១៥ពិន្ទុ និងមានគម្លាតពីគូប្រជែងReal Madrid ដែលឈរនៅ លេខរៀងទី២មាន១៧ពិន្ទុគិតត្រឹមសប្តាហ៏ទី៨៕
ប្រភពព័ត៍មាន៖ Besoccer
