បរទេស៖ ក្លឹប Barcelona បានប្រកាសថ្កោលទោសអ្នកកាំទ្រដែលបានបំពានលើលោកគ្រូបង្វឹក Ronald Koeman កាលពីថ្ងៃអាទិត្យ នៅពេលដែលលោកបានចាកចេញពីកីឡដ្ឋាន Camp Nou ក្រោយពីការរងបរាជ័យក្នុងលទ្ធផល ២-១ ក្រោមស្នាដៃក្រុម Real Madrid។
លោក Koeman គឺជាវីរបុរសម្នាក់របស់ក្លិប Barca ក្រោយពីបានរកគ្រាប់បាល់ឈ្នះ ក្នុងការប្រកួតដណ្តើមពាន European Cup វគ្គផ្តាច់ព្រ័ត្រ ឆ្នា១៩៩២ ប៉ុន្តែ លោកបានស្ថិតក្រោមសម្ពាធដ៏ធំក្នុងនាមជាគ្រូបង្វឹកកាលពីពេលថ្មីៗនេះ។ ក្លិបឲ្យដឹងក្នុងសេចក្តីថ្លែងការណ៍មួយថា៖ «ក្លិប FC Barcelona សូមប្រកាសថ្កោលទោសជាសាធារណៈចំពោះអំពើហិង្សា និងការមើលងាយ ដែលអ្នកចាត់ការទូទៅរបស់យើងជួបប្រទះ នៅពេលដែលចាកចេញពីកីឡដ្ឋាន Camp Nou។ ក្លិបនឹងចាត់វិធានការផ្នែកសន្តិសុខ និងវិន័យ ដើម្បីធានាថា ហេតុការណ៍អាក្រក់បែបនេះ មិនកើតឡើងម្តងទៀតឡើយ»។
អ្នកគាំទ្រជាច្រើនត្រូវបានគេឃើញបានប្រមូលផ្តុំគ្នាជុំវិញរថយន្តរបស់លោក Koeman និងស្រែកជេរទៅកាន់គ្រូបង្វឹកសញ្ជាតិហូឡង់រូបនេះ ក្នុងពេលដែលលោកបានព្យាយាមបើករថយន្តចេញពីកីឡដ្ឋាន។ Barcelona បានរងបរាជ័យក្រោមស្នាដៃក្រុម Real Madrid ជាប់ៗគ្នាជាលើកទី៤ ដែលជាការចាញ់ជាប់ៗគ្នាដ៏ច្រើនបំផុតក្នុងការប្រកួត Clasico បើគិតចាប់តាំងពីឆ្នាំ១៩៦៥៕
ប្រភពព័ត៌មាន៖ Channel News Asia
