បរទេស៖ លោក Antonio Conte បើកចំហរឲ្យមានការពិភាក្សាទៅលើការងារនៅក្លិប Manchester United ប្រសិនបើលោក Ole Gunnar Solskjær ត្រូវបានបណ្តេញចេញ ស្របពេលដែលមានព័ត៌មានលេចឮកាលពីថ្ងៃចន្ទថា កីឡាករជាច្រើនកំពុងតែចោទសួរថា បុរសសញ្ជាតិន័រវែសរូបនេះ អាចដឹកនាំឲ្យក្រុមបន្តទៀត ឬអត់។
ប្រភពជាច្រើនដែលជិតដិតជាមួយនឹងក្លិប Man Utd បានប្រាប់ The Guardian ថា ការរបរាជ័យយ៉ាងខកចិត្តក្នុងលទ្ធផល ៥-០ ក្រោមស្នាដៃក្រុម Liverpool នាកីឡដ្ឋាន Old Trafford បាននាំឲ្យមានការបាត់បង់ការជឿជាក់លើលោក Solskjær ថា ជាបុរសដែលត្រឹមត្រូវក្នុងការដឹកនាំក្លិបនេះ។ បុរសវ័យ៤៨ឆ្នាំរូបនេះ ត្រូវបានចាត់ទុកថា មានច្ទេកទេសដឹកនាំល្អ ទាំងក្រុមក្រុម និងក្លិបទាំងមូល។
Man United ត្រូវបានគេជឿជាក់ថា កំពុតែពិចារណាទៅលើអនាគតរបស់លោក Solskjær ក្រោយពីរកបានត្រឹមតែ១ពិន្ទុគត់ពីការប្រកួតក្របខ័ណ្ឌ Premier League ៤លើកចុងក្រោយក្នុងក្របខ័ណ្ឌ Premier League។ លោក Joel Glazer ដែលជាប្រធានក្លិប មានលំនៅដ្ឋាននៅរដ្ឋ Florida ដោយត្រូវធ្វើដំណើរ៥ម៉ោងទៅកាន់ចក្រភពអង់គ្លេស ហេតុនេះ ការសម្រេចចិត្តណាមួយ អាចនឹងត្រូវធ្វើឡើងក្នុងកិច្ចនៅល្ងាចថ្ងៃចន្ទ ដើម្បីពិភាក្សាគ្នា៕
ប្រភពព័ត៌មាន៖ The Guardian