បរទេស៖ លោក Antonio Conte អ្នកចាត់ការទូទៅរបស់ក្លិប Tottenham Hotspur បានបញ្ជាក់កាលពីថ្ងៃអង្គារថា ក្លិបរបស់លកអាចនឹងប្តឹងឧទ្ធរណ៍លើការសម្រេចចិត្តរបស់សហព័ន្ធកីឡាបាល់ទាត់ទ្វីបអឺរ៉ុបហៅកាត់ថា UEFA ក្នុងការទម្លាក់ពួកគេពីក្របខ័ណ្ឌ Europa Conference League និងជឿជាក់ថា នឹងទទួលបានការកែប្រែសេចក្តីសម្រេចវិញ។
Spurs ត្រូវបានទម្លាក់ចេញពីយុទ្ធនាការនេះ កាលពីថ្ងៃចន្ទ ក្រោយពីអង្គភាពគ្រប់គ្រងកីឡាបាល់ទាត់ទ្វីបអឺរ៉ុប បានចេញសេចក្តីសម្រេចថា ពួកគេប្រាកដជាបោះបង់ការប្រកួតចុងក្រោយក្នុងពូលរបស់ពួកគេ ក្នុងពេលប្រកួតជាមួយនឹង Rennes ក្រោយពីការប្រកួតនេះ ត្រូវបានលុបចោលដោយសារតែការផ្ទុះការឆ្លងកូវីដ ១៩ នៅក្នុងក្លិបTottenham។
នៅមុនពេលការប្រកួតពាន League Cup វគ្គ៨ក្រុមចុងក្រោយ ជាមួយនឹងក្រុម West Ham United លោក Conte បានប្រាប់អ្នកយកសារព័ត៌មានថា៖ «និយាយឲ្យស្មើត្រង់ទៅសម្រាប់ខ្ញុំ ក្លិបនេះ និងអ្នកគាំទ្ររបស់យើង វាជារឿងដែលមិនគួរឲ្យជឿលើការសម្រេចចិត្តដែល UEFA បានធ្វើ។ វាមិនយុត្តិធម៌ឡើយ។ យើងគួរតែអាចលេងការប្រកួតលើទីលាន។ ខ្ញុំពិតជាការខកចិត្តចំពោះការសម្រេចចត្តរបស់ UEFA»៕
ប្រភពព័ត៌មាន៖ Channel News Asia