បរទេស៖ តើគ្រូបង្វឹករូបណាដែលលោកអ្នកចង់ឲ្យមកដឹកនាំនៅក្លិប Manchester United ក្នុងចំណោមបេក្ខភាពទាំង៥រូបខាងក្រោមនេះ? ការរងបរាជ័យជាប្រវត្តិសាស្ត្រក្នុងលទ្ធផល ៥-០ ក្រោមស្នាដៃក្រុម Liverpool បានធ្វើឲ្យលោកគ្រូបង្វឹក Ole Gunnar Solskjaer ស្ថិតលើផ្លូវនៃការចាកចេញ បើទោះបីទើបតែចុះកុងត្រាថ្មីរយៈពេល៣ឆ្នាំកាលពី៣ខែមុនក៏ដោយ។ លោក Solskjaer មិនបានដឹកនាំឲ្យក្រុមខ្លួនឈ្នះពានសូម្បីតែ១លើក ក្នុងរយៈពេល៣ឆ្នាំក្នុងនាមជាគ្រូបង្វឹកនៅ Old Trafford ហើយ Man Utd បានរងបរាជ័យក្រៅដី៥លើកជាប់ៗគ្នាក្នុងចំណោម៩ប្រកួតចុងក្រោយ បើទោះបីនាំយកកីឡាករឆ្នើមៗមកចូលរួមក្នុងក្លិបក៏ដោយ។ ស្របពេលដែលពេលវេលារបស់លោក Solskjaer នៅ Man Utd ជិតអស់ទៅហើយនៅ សូមមកចាប់អារម្មណ៍បេក្ខភាពទាំង៥នាក់ខាងក្រោមនេះ៖
១. លោក Antonio Conte
ក្នុងនាមជាគ្រូបង្វឹកដ៏ឆ្នើមម្នាក់ លោក Conte បានជួយឲ្យក្លិប Chelsea ឈ្នះពាន Premier League ក្នុងរដូវកាលទី១របស់លោកកាលពីរដូវកាលឆ្នាំ២០១៦-២០១៧។ គ្រូបង្វឹកសញ្ជាតិអ៊ីតាលីរូបនេះ កំពុងតែគ្មានក្លិបដឹកនាំ ក្រោយពីចាកចេញពីក្លិប Inter Milan កាលពីខែឧសភា ក្រោយពីបានដឹកនាំឲ្យក្លិបនេះ លើកពាន Serie A ជាលើកដំបូងក្នុងរយៈពេល១១ឆ្នាំ។
២. លោក Zinedine Zidane
លោក Zidane គឺជាបេក្ខភាពដ៏ឆ្នើមម្នាក់ទៀត ក្រោយពីលោកបានបង្ហាញឲ្យឃើញពីសមត្ថភាពរួចជាស្រេចក្នុងការដឹកនាំក្រុមដែលប្រជុំដោយតារាឆ្នើមៗនៅក្លិប Real Madrid និងបានជួយឲ្យពួកគេឈ្នះពាន La Liga ២លើក។ នេះគឺជាចំណុចដែល Man United ចង់បាន ហើយភាពជោគជ័យរបស់លោកក្នុងក្របខ័ណ្ឌអឺរ៉ុប ក៏សក្តិសមក្នុងការចូលមកដឹកនាំក្លិបយក្សអង់គ្លេសមួយនេះ ផងដែរ។
៣. លោក Brendan Rodgers
ជម្រើសដ៏ល្អមួយផ្សេងទៀតដែលស្ថិតក្នុងទីផ្សារក្នុងស្រុកសម្រាប់ Man United គឺលោក Brendan Rodgers ដែលជាគ្រូបង្វឹករបស់ក្លិប Leicester។ បុរសសញ្ជាតិអៀរឡង់ខាងជើងរូបនេះ បានបង្កើតស្នាដៃដ៏គួរឲ្យកត់សម្គាល់នៅក្លិប Liverpool តាមរយៈការបង្កើតភាពរឹងមាំឡើវិញសម្រាប់ក្លិបនានៅចន្លោះឆ្នាំ២០១២ និងឆ្នាំ២០១៥។
៤. លោក Erik Ten Hag
គ្រូបង្វឹកសញ្ជាតិហូឡង់រូបនេះ ក៏កំពុងតែទទួលបានការកោតសរសើរនៅក្លិប Ajax ផងដែរ ក្រោយពីបានដឹកនាំឲ្យក្រុមរបស់លោក ស្ថិតលើផ្លូវឆ្ពោះទៅកាន់វគ្គ១៦ក្រុមចុងក្រោយនៃក្របខ័ណ្ឌ Champions League និងឈ្នះពាន Eredivisie មួយនេះ។
លោក Luis Enrique
គ្រូបង្វឹកសញ្ជាតិអេស្ប៉ាញរូបនេះ គឺជាជម្រើសមួយផ្សេងទៀត ខណៈដែលលោកគឺជាគ្រូបង្វឹកពោរពេញដោយបទពិសោធម្នាក់។ លោកបានឈ្នះពាន៣ក្នុងរដូវកាលទី១របស់លោកនៅក្លិប Barcelona និងបានឈ្នះពាន La Liga ១លើកទៀត ក្រោយពីបានដឹកនាំតារាឆ្នើមៗដូចជា Lionel Messi, Luis Suarez និង Neymar ក្នុងក្រុមតែមួយ៕
Spain s coach Luis Enrique at final match the UEFA EURO, EM, Europameisterschaft,Fussball 2020 semi final between Italy and Spain held at Wembley Stadium, in London, Britain, 06 July 2021. Semi Final: Italy vs Spain ACHTUNG: NUR REDAKTIONELLE NUTZUNG PUBLICATIONxINxGERxSUIxAUTxONLY Copyright: xKikoxHuescaxes-ESx GRAF5282 20210706-e9ed79f17c9e13af6e716b3a78d046b455fc4d45
ប្រភពព័ត៌មាន៖ Channel News Asia
