បរទេស៖ ក្រុមតោខៀវ Chelsea តម្រូវឲ្យធ្វើការស៊ុតបាល់ប៉េណាល់ទីកាត់សេចក្តី២ជុំជាប់ៗគ្នា ដើម្បីឈានទៅវគ្គ៨ក្រុមចុងក្រោយនៃពាន League Cup ក្រោយពីពួកគេបានទម្លាក់ក្រុម Southampton ស្របពេលដែលក្រុម Arsenal បានផ្តួលក្រុម Leeds United ក្នុងលទ្ធផល ២-០ កាលពីថ្ងៃអង្គារ។
អ្នកចាំទី Kepa Arrizabalaga បានក្លាយជាវីរបុរសរបស់ Chelsea ខណៈដែលរូបគេបានសង្គ្រោះបាល់ជាច្រើន ដើម្បីរារាំងក្រុម Southampton មិនឲ្យឈានទៅវគ្គបន្ត ស្របពេលដែលការប្រកួតនៅកីឡដ្ឋាន Stamford Bridge បានបញ្ចប់ក្នុងលទ្ធផលស្មើ ១-១ បន្ទាប់ពីលេបាន៩០នាទី។ ស្របពេលជាមួយគ្នានេះ លោកគ្រូបង្វឹក Mikel Arteta បាននិយាយថា កីឡាករ Eddie Nketiah មានអនាគតនៅក្នុងក្លិបនេះ ក្រោយពីរូបគេបានស៊ុតបាល់បញ្ចូលទីដើម្បីជួយឲ្យក្រុមកាំភ្លើងធំមួយនេះ ទម្លាក់ក្រុម Leeds United និងឈានទៅវគ្គ៨ក្រុមចុងក្រោយនៃពាន Carabao Cup។
ខ្សែការពារ Calum Chambers បានជួយឲ្យ Arsenal រកបានគ្រាប់បាល់នាំមុខមុន នៅមុនពេល Nketiah បំពេញជ័យជម្នះសម្រាប់ក្រុមខ្លួន។ លោក Arteta ដែលបានជួយអភិវឌ្ឍកីឡាករវ័យក្មេងជាច្រើនរបស់ Arsenal ក្នុងនោះរាប់បញ្ចូលទាំង Emile Smith Rowe និង Bukayo Saka ដែរនោះ បានឲ្យដឹងថា៖ «ខ្ញុំជឿជាក់ថា រូបគេនឹងក្លាយជាកីឡាករកម្រិតកំពូលម្នាក់ ហើយជាការរំពឹងទុកនៅក្លិប Arsenal»៕
