បរទេស៖ Antonio Conteទាមទារប្រាក់ឈ្នួលប្រមាណ ១០ លានផោនក្នុងមួយឆ្នាំប្រសិនជារូបលោកក្លាយជាអ្នកចាត់ការទូទៅថ្មី នៅក្លឹបបិសាចក្រហម Man Utd យោងគេហទំព័រអង់គ្លេស The Mirror បានចុះផ្សាយ ។ក្រោយរងបរាជ័យយ៉ាងអាម៉ាស់នៅទឺកដីខ្លួនឯងក្រោមថ្វីជើងក្រុមភ្ញៀវ Liverpool ក្នុងលទ្ធផល៥ទល់និង០កាលពីចុងសប្តាហ៍មុន Man Utd កំពុងពិចារណាចែកផ្លូវគ្នាជាមួយលោក Ole Gunnar Solskjaer។
ក្រៅពីអតីតគ្រូបង្វឹក Inter Milan នៅមានអតីតគ្រូបង្វឹក Real Madrid លោក Zinedine Zidane និងលោក BrendanRodgers ក៏ជាបេក្ខភាពដែលផ្សារភ្ជាប់មកទទួលតំណែងដឹកនាំក្រុមជើងឯកអង់គ្លេស២០សម័យផងដែរ។ទោះយ៉ាងណា លោក Conte ដែលធ្លាប់ដឹកនាំ Chelsea ឈ្នះពាន Premier League និង Juventus ព្រមទាំង Inter Milan ឈ្នះពាន Serie A ត្រូវបានចាត់ទុកជាបេក្ខភាពឈានមុខដើម្បីចូលមកដឹកនាំនៅកីឡាដ្ឋាន Old Trafford។
ប្រភពមួយផ្សេងទៀតពីគេហទំព័រ The Guardian ក៏បានអះអាងផងដែរថា លោក Conte ទំនងជាមានការស្ទាក់ស្ទើរក្នុងការទទួលយកការងារនៅពាក់កណ្តាលរដូវកាល ប៉ុន្តែបុរសវ័យ ៥២ឆ្នាំ ឆ្នាំរូបនេះអាចនឹងធ្វើការពិចារណារសាជាថ្មីចំពោះឱកាសពិសេសនេះ ។គ្រូបង្វឹកសញ្ជាតិអ៊ីតាលីលោក Conte មិនមានក្លឹបដឹកនាំនោះទេគិតចាប់តាំងពីពេលចែកផ្លូវគ្នាជាមួយក្លឹប Inter Milan នៅខែឧសភា ក្រោយជួយអោយពួកគេ ឈ្នះពានSerieA ជាលើកដំបូងក្រោយខកខានចាប់តាំងពីឆ្នាំ២០១០៕
ប្រភពព័ត៍មាន៖ Sportsmole
