បរទេស៖ ក្រុមម្ចាស់ការពារតំណែងជើងឯក Manchester City បានធ្លាក់ចេញពីពាន League Cup ក្រោមស្នាដៃក្រុម West Ham United ក្រោយពីការស៊ុតបាល់ប៉េណាល់កាត់សេចក្តី នាកីឡដ្ឋាន London កាលពីថ្ងៃពុធ ដើម្បីបញ្ចប់ការគ្រប់គ្រងរបស់ក្រុមលោក Pep Guardiola ត្រឹមរយៈពេល៤ឆ្នាំក្នុងយុទ្ធនាការនេះ។
ការប្រកួតនេះ បានឈានដល់ការស៊ុតបាល់ប៉េណាល់ទី ក្រោយពីបានបញ្ចប់ក្នុងលទ្ធផលស្មើ ០-០ ហើយក្រុមញញួរធំ បានយឈ្នះក្នុងលទ្ធផល ៥-៣ ដើម្បីឈានទៅវគ្គ៨ក្រុមចុងក្រោយ។ ស្របពេលដែលក្រុម Manchester United ក៏បានធ្លាក់ចេញកាលពីជុំមុន ក្រោមស្នាដៃក្រុម West Ham កាលពីជុំមុន មានន័យថា League Cup មិនត្រូវបានឈ្នះពានក្លិបនៅ Manchester ជាលើកដំបូង បើគិតចាប់តាំងពីឆ្នាំ២០១៥។
លោក Stuart Pearce ជំនួសការគ្រូបង្វឹករបស់ក្លិប West Ham បានឲ្យដឹងថា៖ «អ្នកឈ្នះការប្រកួតខ្លះ អ្នកចាញ់ការប្រកួតខ្ល ប៉ុន្តែ ជាមួយនឹងភាពរឹងមាំ និងភាពស្មោះត្រង់ដែលយើងបានបង្ហាញ យើងសក្តិសមនឹងឈានទៅវគ្គ»៕
ប្រភពព័ត៌មាន៖ Channel News Asia
