បរទេស៖ Cristiano Ronaldo បានបញ្ជាក់នៅលើបណ្តាញសង្គម Instagram ថាខ្លួននិងគូស្នេហ៏នាងGeorgina Rodriguez ពួកគេទាំងពីរកំពុងស្វាគមន៍កូនភ្លោះទីពីរក្រោយពីតារាម៉ូដែលសញ្ជាតិសញ្ជាតិអេស្បាញរូបនេះកំពុងផ្ទៃពោះ។ប្រធានក្រុមជម្រើសជាតិព័រទុយហ្គាល់វ័យ ៣៦ ឆ្នាំរូបនេះបានរៀបរាប់យ៉ាងដូច្នេះថាៈ យើងពិតជាមិនអាចរង់ចាំពេលវេលាដើម្បីជួបពួកគេខ្លាំងណាស់ ។
Ronaldo បច្ចុប្បន្នមានកូន៤នាក់ បន្ទាប់ពីបានក្លាយជាឪពុកជាលើកដំបូងក្នុងឆ្នាំ២០១០ នៅពេលដែលកូនប្រុសច្បងCristiano Jr បានកើតនៅថ្ងៃទី ១៧ ខែមិថុនានាទឹកដីសហរដ្ឋអាមេរិក។ គាត់មិនបានបង្ហាញអត្តសញ្ញាណឈ្មោះម្តាយកុមាររូបនេះជាសាធារណៈយោងតាមការព្រមព្រៀងជាមួយខ្លួននោះឡើយ ដោយបានត្រឹមតែដឹងថានារីម្នាក់នោះជាស្រ្តីធ្វើការនៅហាងមួយកន្លែង។ កីឡាករលេងល្អបំផុតរបស់ពិភពលោក៥សម័យក៏បន្តក្លាយឪពុកបង្កើតកូនភ្លោះស្រី Eva និងកូនប្រុស Mateo កើតនៅថ្ងៃទី ៨ ខែមិថុនា ឆ្នាំ២០១៧ នៅសហរដ្ឋអាមេរិកផងដែរ ហើយស្រ្តីជាម្តាយរបស់ពួកគេក៏នៅតែមិនបានបង្ហាញពីសាវតាពួកគេទេ ដោយបានត្រឹមតែពាក្យសេវាម្តាយពរពោះជំនួសប៉ុណ្ណោះ។វាក៏មិនមែនជាកូនលើកដំបូង សម្រាប់នាង Georgina Rodríguez ឡើយព្រោះតែពួកគេបានផ្តល់កំណើតកូនស្រីម្នាក់រួចមកហើយគឺកុមារី Alana Martina នៅថ្ងៃ ទី ១២ ខែវិច្ឆិកាឆ្នាំ ២០១៧ កន្លងទៅ។
ទំនាក់ទំនងរវាងRonaldo និងនាង Georgina Rodríguez ធ្លាប់បានផ្តល់ សម្ភាសន៍ រឿងជីវិតពិតតជាមួយកម្មវិធីទូរទស្សន៏ឈ្មោះ Piers Morgan កាលពីឆ្នាំ២០១៨ ខណៈRonaldo ដោយបញ្ជាក់ប្រាប់យ៉ាងដូច្នេះថាៈ គាត់(Geogina) គឺជាផ្នែកមួយនៃជីវិតព្រោះនាងបានជួយខ្ញុំយ៉ាងច្រើន។ ហើយខ្ញុំស្រលាញ់គាត់ខ្លាំង។ប្រា កដណាស់យើងនឹង រៀបការនៅថ្ងៃអនាគតវាជាក្តីសុបិន្តរបស់អ្នកម្តាយខ្ញុំផងដែរ៕
ប្រភពព័ត៍មាន៖ Metro
