បរទេស៖ លោក Antonio Conte បានយល់ព្រមទទួលការងារក្នុងនាមជាអ្នកចាត់ការទូទៅរបស់ក្លិប Tottenham ក្នុងកិច្ចសន្យារហូតដល់ខែមិថុនា ឆ្នាំ២០២៣ និងត្រៀមខ្លួនរួចរាល់ដើម្បីចុះហត្ថលេខាលើកិច្ចសន្យា ដោយរង់ចាំតែសេចក្តីលម្អិតចុងក្រោយប៉ុណ្ណោះ។
លោកនឹជំនួសកន្លែងរបស់លោក Nuno Espírito Santo ដែលត្រូវបានបណ្តេញចេញកាលពីថ្ងៃចន្ទ ក្រោយពីកាន់តំណែងបាន៤ខែ និងដឹកនាំបាន១៧ប្រកួត។ ការចរចានានារវាងលោក Conte និង Tottenham បានទទួលបរាជ័យកាលពីរដូវក្តៅមុន ប៉ុន្តែលោកមិនបានទទួលការងារផ្សេងឡើយ ហើយលោក Fabio Paratici ដែលជានាយកផ្នែកកីឡាបាល់ទាត់របស់ក្លិប Spurs បានចាត់ទុកអតីតអ្នកចាត់ការទូទៅរបស់ក្លិប Juventus, Chelsea និង Internazionale រូបនេះ ជាគោលដៅទី១របស់លោក។ ត្រឹមល្ងាចថ្ងៃចន្ទ ឯកសារនានាត្រូវបានរៀបចំរួចរាល់ពីក្លិប Spurs ដើម្បីប្រកាសពីការតែងតាំង ហើយលោក Conte បានធ្វើដំណើរទៅកាន់ទីក្រុងឡុងដ៍ ជាមួយនឹងភ្នាក់ងារតំណាងរបស់លោក។
លោក Conte បានស្នើឲ្យមានការធានាអំពីការទិញចូលកីឡាករថ្មីៗក្នុងពេលបើកទីផ្សារដោះដូរកីឡាករដើម្បីរៀបចំក្រុមឡើងវិញ ក្រោយពីចាញ់៥លើក ក្នុងការប្រកួតក្របខ័ណ្ឌ Premier League នៅរដូវកាលនេះ៕
ប្រភពព័ត៌មាន៖ The Guardian