បរទេស៖ Antonio Conte ចង់ឱ្យ Tottenham ចុះហត្ថលេខាលើខ្សែប្រយុទ្ធ Fiorentina កីឡាករ Dusan Vlahovic និងខ្សែបម្រើ Franck Kessie របស់ AC Milan មករួមក្រុម នៅពេលទីផ្សារដោះដូរកីឡាករ និងបើកនៅខែមករា ២០២២ខាងមុខយោងតាមគេហទំព័រអ៊ីតាលី Gazzetta dello Sport បានចុះផ្សាយ ។ គ្រូបង្វឹកថ្មីក្រុមមាន់ខ្នាយមាស Spurs នៅថ្ងៃពូធនេះបានបង្ហាញខ្លួនជាផ្ឡូវការណ៏ ក្នុងនាមគ្រូបង្គោលថ្មីក្រោយចុះហត្ថលេខា លើកិច្ចសន្យារយៈពេល ១៨ ខែជាមួយតម្លៃឈ្នួលដែលនិងទទួលបាន រហូតដល់ ១៥ លានផោនក្នុងមួយរដូវកាល។
Tottenham បានប្រើពេលមិនដល់២ថ្ងៃទេ ដើម្បីផ្លាស់ប្តូរអ្នកចាត់ការទូទៅ Nuno Espirito Santo ដែលត្រូវក្លឹបបណ្តេញចេញកាលពីព្រឹកថ្ងៃចន្ទពោលគឺតិចជាង ៤៨ ម៉ោងបន្ទាប់ពីចាញ់ក្រុមភ្ញៀវ Man.Utd ក្នុងផ្ទះដោយលទ្ធផល ៣ទល់និង០កាលពីសប្តាហ៏មុន ។ លទ្ធផលនេះបានធ្វើឱ្យ Spurs ចាញ់ ៥ ដងក្នុងចំណោម ៧ ប្រកួតចុងក្រោយនៅ Premier League ខណៈ លោក Conte ត្រូវទទួលភារកិច្ចធ្វើអោយប្រសើរឡើងវិញនូវការរកគ្រាប់បាល់ ក្រោយខ្សត់គ្រាប់បាល់ បានតែ ៩គ្រាប់សម្រាប់ការប្រកួតនៅក្នុងលីកចំនួន ១០ប្រកួតកន្លងមក។
ក្រៅពី Vlahovic និង Kessie ជាកីឡាករសំខាន់ពីរដែលគាត់ចង់បាន នៅមាន ខ្សែការពារកណ្តាលសញ្ជាតិហូឡង់ Stefan de Vrij របស់ក្រុមInter Milan និងខ្សែការពារស្តាំរបស់ Lazio កីឡាករ Manuel Lazzari ក៏ស្ថិតក្នុងបញ្ជីសម្រាំង ផងដែរ។Vlahovic កីឡាករអន្តរជាតស៊ែប៊ី គឺជាខ្សែប្រយុទ្ធលេចធ្លោ នៅ Serie A ដោយរកបាន ២៩ គ្រាប់ក្នុងការបង្ហាញខ្លួន ប្រកួត ស្របពេលកីឡាករវ័យ ២១ ឆ្នាំរូបនេះមានកុងត្រាជាមួយ Fiorentina រហូតដល់ឆ្នាំ ២០២៣ ។ទន្ទឹមនឹងនោះ Kessieកីឡាករអន្តរជាតិកូឌីវ័រមាន កិច្ចសន្យារបស់គាត់ជាមួយ AC Milan នឹងផុតកំណត់នៅចុងបញ្ចប់នៃរដូវកាលនេះ៕
ប្រភពព័ត៍មាន៖ Metro
