បរទេស៖ លោក Antonio Conte បានស្គាល់រសជាតិផ្អែម និងល្វីង ក្នុងការប្រកួតទី១របស់លោកក្នុងនាមជាគ្រូបង្វឹក Tottenham ដែលបានផ្តួលក្រុម Vitesse Arnhem ក្នុងលទ្ធផល ៣-២ ក្នុងការប្រកួតក្របខ័ណ្ឌ Europa Conference League កាលពីថ្ងៃព្រហស្បតិ៍ ក្នុងការប្រកួតមួយដែលបង្កើតឲ្យមានការពិន័យកាតក្រហម៣លើក។
លោក Conte បានចូលទៅដឹកនាំនៅកីឡដ្ឋាន Tottenham Hotspur ក្រោយពីទទួលបានលិខិតអនុញ្ញាតិឲ្យធ្វើការភ្លាមៗក្នុងរយៈពេល២ថ្ងៃ បន្ទាប់ពីការតែងតាំងរបស់លោក។ ក្រោយពីឃើញក្រុមរបស់លោកនាំមុខ៣គ្រាប់ នៅមុនពេលរងនូវសម្ពាធវិញ បន្ទាប់មក បាត់បង់កីឡាករម្នាក់ ខណៈដែល Vitesse បានបញ្ចប់ការប្រកួតដោយនៅសល់កីឡាករត្រឹមតែ៩នាក់។
លោក Conte បានប្រាប់សារព័ត៌មាន BT ថា៖ «នេះគឺជាការប្រកួតដ៏រំភើប។ ជាធម្មតា ខ្ញុំមិនចូលចិត្តការប្រកួតបែបនេះឡើយ ដោយការប្រកួតដែលឆ្កួតលេលា មានន័យថា អ្វីៗក៏អាចកើតឡើងបានផងដែរ»។ លោកបានបន្ថែមទៀតថា៖ «យើងបាននាំមុខ ៣-០ បន្ទាប់មក របូតគ្រាប់បាល់២គ្រាប់ ដែលយើងអាចជៀសផុតបាន។ ក្រោយពីរងពិន័យកាតក្រហម យើងបានស្ថិតក្នុងបញ្ហា។ ការដណ្តើមបានជ័យជម្នះ ក្នុងពេលមានបញ្ហា គឺជារឿងល្អសម្រាប់ក្រុម»៕
ប្រភពព័ត៌មាន៖ Channel News Asia
