បរទេស៖ លោក Erik ten Hag មិនចាប់អារម្មណ៍ឪកាសមកដឹកនាំក្លឹបបិសាចក្រហមMan. Utdនៅក្នុងយុទ្ធនាការនាពាក់កណ្តាលរដូវកាលនេះទេ ដោយយោងប្រភពពី The Independent បានចុះផ្សាយ ពីការអះអាងរបស់ អ្នកចាត់ការទូទៅក្លឹប Ajaxរូបនេះ ។ បុរសវ័យ៥១ ឆ្នាំក៏ជាបេក្ខភាពឈានមុខម្នាក់ផ្សេងទៀតដែលអាចមកជំនួសតំណែងលោក Ole Gunnar Solskjaer ប្រសិនក្លឹបចែកផ្លូវគ្នាជាមួយគ្រូបង្វឹក ន័រវេសរូបនេះ ។ទោះយ៉ាងណាលោក Solskjaer នៅតែបន្តដឹកនាំក្រុមត្រៀមប្រកួតនៅក្របខណ្ឌ Premier League ជាមួយ Watford នៅថ្ងៃទី ២០ ខែវិច្ឆិកា ក្រោយបញ្ចប់ការសម្រាកពីការប្រកួតលក្ខណៈអន្តរជាតិ។
ប្រភពខាងលើបន្តថាៈ លោកTen Hag សញ្ជាតិហូឡង់មិនចង់ចាកចេញពីក្លឹបយក្ស Ajax ទៅដឹកនាំក្លឹបMan.Utd ក្នុងស្ថានភាពលំបាកដូចពេលបច្ចុប្បន្ននោះទេ ក៏ព្រោះតែរូបលោកក៏នៅមានកុងត្រាជាមួយក្លឹបរហូតដល់ខែ មិថុនា ឆ្នាំ ២០២៣ឯណោះ។ រយៈកាលកន្លងមកលោកTen Hag មានស្នាដៃដឹកនាំបានល្អក្រោយជួយអោយក្លឹប ពានរង្វាន់លីកកំពូលហូឡង់ពីរលើក Eredivisie និង ពានKNVB Cups ចំនួនពីរផងដែរក្នុងអំឡុងពេលរូបលោកដឹកនាំក្លឹបបាន១៨៤ប្រកួតគិតចាប់តាំងពី ខែធ្នូ ឆ្នាំ២០១៧កន្លងទៅ។
បច្ចុប្បន្នAjaxកំពុងឈរកំពូលតារាង Eredivisie ខណៈពេលដែលពួកគេបានកក់កៅអីវគ្គ៨ក្រុមចុងក្រោយ នៃ ក្របខ័ណ្ឌ Champions Leagueរួចរាល់ទោះបីជា នៅមាន ២ប្រកួតទៀតក្នុងដៃក៏ដោយ៕
ប្រភពព័ត៍មាន៖ Sportsmole
