បរទេស៖ ខ្សែប្រយុទ្ធ Harry Kane បានទទួលស្គាល់ថា រូបគេបានព្យាយាមដោះស្រាយបញ្ហាស្មារតី និងកាយសម្បរទា ក្នុងពេលវិលទៅលេងឲ្យក្រុម Tottenham វិញ ក្រោយពីបានជួបការខកិត្តដោយសារតែការរងបរាជ័យរបស់ក្រុមបាល់ទាត់ជម្រើសជាតិអង់គ្លេស ក្នុងព្រឹត្តិការណ៍ Euro ឆ្នាំ២០២០ វគ្គផ្តាច់ព្រ័ត្រ។
ក្រុមជម្រើសជាតិអង់គ្លេស ត្រូបានរារាំងមិនឲ្យឈ្នះពានរង្វាន់ធំជាលើកដំបូងរបស់ពួកគេក្នុងរយៈពេល៥១ឆ្នាំ នៅពេលដែលពួកគេចចាញ់ក្រុមជម្រើសជាតិអ៊ីតាលី ដោយការស៊ុតបាល់ប៉េណាល់ទី ក្រោយពីបានបញ្ចប់ក្នុងលទ្ធផលស្មើ ១-១ ក្នុងវគ្គផ្តាច់ព្រ័ត្រ នៃយុទ្ធនាការ Euro ឆ្នាំ២០២០ នាកីឡដ្ឋាន Wembley កាលពីខែកក្កដា។ នេះគឺជាការរងបរាជ័យដ៏ខកចិត្តសម្រាប់ Kane ដែលបានសុបិនចង់ក្លាយជាប្រធានក្រុមជម្រើសជាតិអង់គ្លេសដំបូងគេក្នុងការឈ្នះពាន បើគិតចាប់តាំងពីលោក Bobby Moore ធ្វើបានក្នុង World Cup ឆ្នាំ១៩៦៦។ ដោយហាក់ដូចជាអស់កម្លាំង និងខ្វះនូវភាពមុតស្រួច Kane បានស៊ុតបាល់បញ្ចូលទីត្រឹមតែ១គ្រាប់គត់ ក្នុងការបង្ហាញខ្លួន១០លើកក្នុងក្របខ័ណ្ឌ Premier League សម្រាប់ Tottenham នៅរដូវកាលនេះ ហើយបើសរុបទាំងអស់ រូបគេបានស៊ុតបាល់បញ្ចូលទីតែ៧គ្រាប់គត់ ក្នុងចំណោមការប្រកួត១៦លើកក្នុងរាល់យុទ្ធនាការទាំងអស់។
ខ្សែប្រយុទ្ធវ័យ២៨ឆ្នាំរូបនេះ មានទម្រង់លេងយ៉ាងល្អសម្រាប់អង់គ្លេស ដោយបានស៊ុតបាល់បញ្ចូលទី៣គ្រាប់ ក្នុងចំណោមការប្រកួត៤លើក ប៉ុន្តែ រូបគេទទួលស្គាល់ថា ការខកចិត្តក្នុង Euro វគ្គផ្តាច់ព្រ័ត្រ ពិតជាលំបាកក្នុងការបំភ្លេច។ Kane បាននិយាយកាលពីថ្ងៃព្រហស្បតិ៍ថា៖ «វាតែងតែលំបាក នៅពេលដែលអ្នកបញ្ចប់យុទ្ធនាការដ៏ធំមួយ។ យុទ្ធនាការ២លើកចុងក្រោយដែលយើងបានឈានទៅវគ្គពាក់កណ្តាលផ្តាច់ព្រ័ត្រ បន្ទប់មក វគ្គផ្តាច់ព្រ័ត្រ ពិតជាផ្តល់ការខកចិត្តខ្លាំងមែនទែន»៕
ប្រភពព័ត៌មាន៖ Channel News Asia
