បរទេស៖ Liverpool គ្រោងចុះហត្ថលេខានាំយកកីឡាករ៣រូបក្នុងពេលទីផ្សារដោះដូរកីឡាករនិងបើកជាលើកទីពីរនៅខែមករាខណៈដែលពួកគេត្រូវអវត្តមានកីឡាករឆ្នើមនិងជាដៃគូប្រយុទ្ធ Mohamed Salah និង Sadio Mane ដល់ទៅប្រាំមួយសប្តាហ៍ចាប់ពីដំណាច់ខែធ្នូ២០២១ ដោយសារពួកគេមានកាតព្វកិច្ចចូលរួមព្រឹត្តការណ៏ Africa Cup of Nations។
ក្រៅពីកីឡាករទាំងពីររូបខាងលើនៅមានខ្សែបម្រើអន្តរជាតិហ្គីណេ Naby Keita ក៏នឹងចូលរួមក្នុងការប្រកួតផងដែរដែលធ្វើឱ្យក្រុមការពារតំណែងជើងឯក Premier League បាត់បង់សមាជិករបស់ខ្លួនកើនដល់ទៅ៣រូបត្រឹម រយៈពេលខ្លីនៅក្នុងមុខតំណែងផ្សេងគ្នាក្នុងអំឡុងពេលដ៏មមាញឹកក្នុងយុទ្ធនាការខាងលើនេះ។ បណ្តាញសារពត៌មាននៅប្រទេសអ៊ីតាលី បានចុះផ្សាយថាៈLiverpool កំពុងតែត្រៀមប្រជែងនាំយក ខ្សែបម្រើស្លាបសញ្ជាតិនីហ្សេរីយារបស់ក្រុម Villarrealកីឡាករខ្សែ Arnaut Danjuma មករួមក្រុម។ក្រុមលោក Jurgen Klopp ក៏ត្រៀមចរចារចុះហត្ថលេខាខ្សែបម្រើសញ្ជាតិក្រូអាត Marcelo Brozovic របស់ក្លឹប Inter Milan ដើម្បីជំនួសតំណែង Keita ផងដែរ។
ក្រោពីនោះខ្សែការពារប្រេស៊ីល Bremer ដែលបានបង្ហាញទម្រង់លេងដ៏គួរអោយចាប់អារម្មណ៍នៅលីកកំពូល Serie A សម្រាប់ Torino គឺជាកីឡាករម្នាក់ទៀតត្រូវបានពាក្យចចាមអារ៉ាមលើកឡើងថាក៏ស្ថិតក្នុងបញ្ជីចង់បាន របស់គ្រូបង្វឹកសញ្ជាតិអាឡឺម៉ង់ផងដែរ។
