បរទេស៖ គ្រូបង្វឹកក្រុមជម្រើសជាតិសេណេហ្គាល់លោក Aliou Cisse បាននិយាយថាការសម្រេចចិត្តផ្លាស់ប្តូរ Sadio Mane ក្នុងតង់ទី១នៃការប្រកួតជម្រុះ World Cup ២០២២ នៅថ្ងៃព្រហស្បតិ៍ជាមួយជម្រើសជាតិតូហ្គូ គឺជាការប្រុងប្រយ័ត្នសុទ្ធសាធតែម្តង មិនមែនដោយសារតែបញ្ហារបួសនោះឡើយ។
ខ្សែប្រយុទ្ធហង្សក្រហម Liverpool ត្រូវបានប្តូរចេញនៅនាទីទី ២៨ នៃលទ្ធផលស្មើ ១ទល់និង១ ពេលប៉ះទង្គិចជាមួយខ្សែការពារតូហ្គូនៅខាងក្នុងប្រអប់បាល់ពិន័យ ប៉ុន្តែMane បានបង្ហាញអការៈដើរចេញពី ពីទីលាន។ទោះបីជាយ៉ាងណាក៏ដោយ នៅពេលសាកសួរពីស្ថានភាពរបួសរសប់កីឡាករវ័យ២៩ឆ្នាំរូបនះក្រោយបញ្ចប់ ការប្រកួតរួចមក គ្រូបង្វឹកសញ្ជាតិសេណេហ្គាល់បានលើកឡើងប្រាប់អ្នកសារពត៌មានថាៈ របួសរបស់Mane មិនមានអ្វីធ្ងន់ធ្ងរទេ។
លោកCisse បន្ថែមថាៈ មែនហើយ ការចាកចេញរបស់ Mane បានធ្វើឱ្យក្រុមមានអស្ថិរភាព។ ព្រោះគាត់ជាកីឡាករសំខាន់សម្រាប់ក្រុមព្រោះតែយើងបានដកគាត់ចេញដោយប្រុងប្រយ័ត្ន ។ សេណេហ្គាល់នឹងបន្តយុទ្ធនាការជម្រុះ World Cup របស់ពួកគេទល់នឹងកុងហ្គោនៅថ្ងៃអាទិត្យ ខណៈដែលការប្រកួតបន្ទាប់របស់ Liverpool គឺនៅផ្ទះ Arsenalនាក្របខណ្ឌ Premier League នៅថ្ងៃទី២០ ខែវិច្ឆិកាខាងមុខនេះ។ Mane បានបង្ហាញទម្រង់លេងដ៏គួរឱ្យចាប់អារម្មណ៍នៅរដូវកាលនេះ ដោយស៊ុតបញ្ចូលទីបាន៨ គ្រាប់ក្នុងការបង្ហាញខ្លួនសរុប១៥ដងក្នុងនោះរកបាន៦គ្រាប់ក្រោយបង្ហាញខ្លួននៅក្របខ័ណ្ឌ Premier League ចំនួន ១១ដង៕
ប្រភពព័ត៍មាន៖ Sportsmole
