បរទេស៖ ក្លឹបអធិរាជស Real Madrid មិនមានចេតនាដើម្បីចរចារចុះហត្ថលេខាផ្ទេរយកខ្សែប្រយុទ្ធឆ្នើម Kylian Mbappe នៅក្នុងទីផ្សារដោះដូរកីឡាករដែលនិងបើកដំណើរការជាលើកទីពីរនៅខែមករា២០២២ខាងមុខនោះទេ។
ពោលគឺក្រោយពីក្លឹបយក្សអេស្ប៉ាញមួយនេះបានបរាជ័យធ្វើការដេញលើកចុងក្រោយក្នុងតម្លៃ ១៦០ លានអឺរ៉ូស្មើនិង (១៣៧ លានផោន) រួចមក។ទោះបីជាសមាជិកជ័យលាភីWorld Cup ២០១៨ កាលពីពេលថ្មីៗនេះបានសារភាពខ្លួនបានសុំចាកចេញពីកីឡា ឡាដ្ឋានParc Des Princesប៉ុន្តែPSGនៅតែមិនចងបាត់បង់ខ្សែប្រយុទ្ធដែលអាចលេងបានទាំងប្រយុទ្ធស្លាបឆ្វេងនិងស្តំារូបនេះដោយគ្មានតម្លៃខ្លួននៅចុងបញ្ចប់នៃរដូវកាលនេះ។
ទោះបីជាមានការចាប់អារម្មណ៍ពីក្លឹបល្បីៗមួយចំនួននៅទូទាំងទ្វីបអឺរ៉ុបក៏ដោយ ប្រភពពីគេហទំព័រអេស្បាញ ដ៏ ល្បីឈ្មោះគឺ Mundo Deportivo បានចុះផ្សាយថា ក្រុមជើងឯកChampion League ១៣សម័យនឹងមិនព្យាយាមធ្វើកិច្ចព្រមព្រៀងចរចានាំយកMbappe មកកានទឹកដីSantiago Bernabeu នៅខែមករានោះទេ ។
ផ្ទុយ ទៅវិញក្រុមលោកCarlo Ancelloti នឹងរង់ចាំរហូតដល់ខែមិថុនា នៅពេលដែល Mbappe ក្លាយជាកីឡាករ ដែល គ្មានតម្លៃខ្លួន(Free Transfer) បើទោះបីជាReal Madridដឹងច្បាស់ថានិងប្រឈមជាមួយគូប្រកួត ប្រជែង ដទៃ ទៀតនៅទ្វីបអឺរ៉ុបយ៉ាងណាក៏ដោយ។ Mbappe រកបាន ៦ គ្រាប់ និងបញ្ជូនបាល់ឲ្យមិត្តរួមក្រុមបាន ៩ ដង ពី ការប្រកួតសរុប១៥ ដងនៅរដូវកាលនេះ៕
ប្រភពព័ត៍មាន៖ Sportsmole