បរទេស៖ Antonio Rudiger បានសម្តែងអារម្មណ៏ខកចិត្តចំពោះការផ្តល់ជូននូវសំណើរលើកចុងក្រោយរបស់ Chelsea ក្នុងគោលបំណងអោយរូបគេបន្តកិច្ចសន្យាថ្មីជាមួយក្លឹប ។ខ្សែការពារកណ្តាលរុបគេបានដើរតួនាទីយ៉ាងសំខាន់ ក្រោមការដឹកនាំរបស់គ្រូបង្វឹក Thomas Tuchel ប៉ុន្តែកីឡាករក្រុមជម្រើសជាតិអាឡឺម៉ង់នៅសល់កិច្ចសន្យាតែ៧ខែកន្លះទៀតប៉ុណ្ណោះសម្រាប់សុពលភាពនៅកីឡាដ្ឋាន Stamford Bridge ។
ក្រុមជើងឯកChampion League កំពុងតែខិតខំប្រឹងប្រែងបញ្ចុះបញ្ចូលដើម្បីរក្សាទុកកីឡាករវ័យ ២៨ ឆ្នាំ រូបនេះអោយបន្ត លេងជាមួយក្លឹបបានច្រើនឆ្នាំទៀត ប៉ុន្តែគេហទំព័រអាឡឺម៉ង់ Bild បានចុះផ្សាយថាៈ ការចរចាររវាងក្លឹប និង Rudiger មិនខិតទៅជិតកិច្ចព្រមព្រៀងថ្មីនោះទេ ព្រោះតែRudiger ចង់បានប្រាក់ឈ្នួលបន្ថែម៦ម៉ឺនផោនបន្ថែមទៀត ក្នុង មួយសប្តាហ៍ពោលគឺច្រើនជាងអ្វីដែលក្លឹបបានផ្តល់ជូន។
ប្រភពខាងលើបន្តថាRudiger ចង់បានប្រាក់ឈ្នួលសរុប ១០ លានផោនក្នុងមួយឆ្នាំប្រមាណជា១៩០,០០០ ផោនក្នុងមួយសប្តាហ៍៕
ប្រភពព័ត៍មាន៖ Sportsmole
