បរទេស៖ វីរបុរសក្រុមអ្នកមានបុណ្យ Barcelona កីឡាករ Lionel Messi មិនមានគម្រោងវិលត្រឡប់ទៅកាន់ក្លឹបយក្សកាតាឡាននាពេលអនាគតក្នុងនាមកីឡាកររឺក្នុងនាមជាតួនាទីអ្វីផ្សងនៅក្នុងក្លឹបនោះទេយោងគេហទំព័រអេស្បាញ AS បានចុះផ្សាយ។ គួររំលឹកថាMessi សុខចិត្តកាត់បន្ថយប្រាក់ឈ្នួលរហូតដល់ទៅ ៥០% ដើម្បីបន្តស្នាក់នៅទឹកដី Camp Nou នៅរដូវក្តៅនេះ ប៉ុន្តែលក្ខខណ្ឌហិរញ្ញវត្ថុរបស់ La Liga បានធ្វើឱ្យគាត់មិនអាចបន្តនៅ ជាមួយក្លឹបដែលរូបគេចំណាយពេលអស់ជាង១៨ឆ្នាំ ។
ចាប់តាំងពីពេលនោះមក Messi បានស៊ូទ្រាំនឹងព្យាយាមការចាប់ផ្តើមទទួលយកអាជីពថ្មីជាមួយ ក្លឹប យក្សបារាំង Paris Saint-Germain ខណៈប្រធានក្លឹប Barcelona លោក Joan Laporta បានប្រាប់ ប្រធានក្រុមជម្រើសជាតិអាហ្សង់ទីនវ័យ២៤ ឆ្នាំរូបនេះឱ្យដើរតាមគន្លងរបស់អតីតមិត្តរួមក្រុម Xavi និង Dani Alves ដែលកំពុងមានវត្តមានមកជួយក្រុមនាពេលបច្ចុប្បន្នវិញ ដែលម្នាក់ជាកីឡាករនិង ម្នាក់ ទៀតជាគ្រូបង្វឹក ។
ប្រភពខាងលើបន្តថាៈ Messi បច្ចុប្បន្នកំពុងតែ ផ្តោតតែលើការជួយក្លឹបPSGអោយសម្រេចជោគជ័យក្រោមការដឹកនាំរបស់លោក Mauricio Pochettino ស្របពេលក្រុមគ្រួសាររបស់ម្ចាស់ពានរង្វាន់បាល់មាស៦សម័យ( Ballon d’Or) ឥឡូវនេះពួកគេក៏កំពុងតែមាន ទីលំនៅអចិន្រ្តៃយ៏នៅក្នុងរដ្ឋធានីប្រទេសបារាំងផងដែរ។Messi ទើបតែបានរកគ្រាប់បាល់ជាលើកដំបូងនៅរដូវកាលថ្មីនេះសម្រាប់ក្របខណ្ឌ Ligue -១ សម្រាប់ការប៉ុនប៉ងព្យាយាមដល់ទៅ៦ដងពេលទទួលបានជ័យជម្នះដោយលទ្ធផល ៣ទល់និង១ លើ ក្រុមភ្ញៀវNantes កាលពីចុងសប្តាហ៍មុន៕
ប្រភពព័ត៍មាន៖ Sportsmole