បរទេស៖ Paris Saint-Germain មានបំណងចង់បានអតីតអ្នកចាត់ការទូទៅរបស់ក្លឹបអធិរាជស Real Madrid លោក Zinedine Zidane ដើម្បីមកជំនួសតំណែងលោក Mauricio Pochettino ដែលអាចផ្លាស់ទៅដឹកនាំក្រុមបិសាចក្រហមMan.Utdនាពេលខាងមុខ ។
បន្ទាប់ពីចែកផ្លូវគ្នាជាមួយលោក Ole Gunnar Solskjaer កាលពីថ្ងៃអាទិត្យ អតីតគ្រូបង្វឹកមាន់ខ្នាយមាសTottenhamសញ្ជាតិអាហ្សង់ទីនលោកPochettinoត្រូវបានផ្សារភ្ជាប់ជាមួយនឹងតំណែងដែលកំពុងនៅទំនេរ ស្របពេល ក្រុមយក្សបារាំងត្រូវបានបណ្តាញសារពត៌មានThe Mirrror ចុះផ្សាយថាបាននិងកំពុងរៀបចំបេក្ខភាពគ្រូបង្វឹកលំដាប់ពិភពលោកដើម្បីជំនួសរូបគេ។ យោងតាមសារព័ត៌មាន The Mirror បានឲ្យដឹងថា Les Parisiens បានកំណត់គោលដៅរបស់ពួកគេលើវីរបុរសក្រុមជម្រើសជាតិបារាំងដែលបានបានបដិសេធសំណើរទៅ ដឹកនាំ Man. United រួចទៅហើយ។
ប្រភពខាងលើបន្ថែមថាៈ Pochettino បាននិងកំពុងក្លាយជាបេក្ខភាពនាំមុខគេ ស្របពេលសាម៉ីខ្លួនក៏មានឆន្ទៈចង់ចាកចេញពីក្លឹបនៅលីគកំពូលបារាំង ភ្លាមៗ ប្រសិនក្រុមប្រឹក្សាភិបាលក្លឹបបើកការពិភាក្សា ជាមួយរូបលោក។សម្រាប់ពេលបច្ចុប្បន្នបុរសសញ្ជាតិបារំាងលោកZinedine Zidane មិនមានការងារដឹកនាំក្រោយបបញ្ចប់រជ្ជកាលដឹកនាំជាលើកពីរកាលពីរដូវក្តៅកន្លងទៅ និងមានស្នាដៃលេច ធ្លោក្រោយជួយអោយពួកគេឈ្នះពាន La Liga ពីរដង និងពានរង្វាន់ Champions League បីដងជាប់គ្នាចន្លោះ ឆ្នាំ ២០១៦ និង ២០១៨៕
ប្រភពព័ត៍មាន៖ Sportsmole
