បរទេស៖ Paris Saint-Germain សម្លឹងឪកាសផ្តួលក្រុមគូប្រជែង Man. City សម្រាប់ការប្រកួតនៅក្របខណ្ឌ Champions League លើកទីពីរនៅថ្ងៃពុធនាកីឡដ្ឋាន Etihad។ គួរបញ្ជាក់ថាក្រុមលោក Pep Guardiola បានបរាជ័យក្នុងលទ្ធផល ២ទល់និង០អំឡុងពេលយុទ្ធនាការប្រកួតជម្រុះក្នុងពូលរបស់ពួកគេក្នុងរដ្ឋធានីបារាំងកាលពីពីរខែមុនខណៈ Lionel Messi មានឪកាសរកបានគ្រាប់បាល់លើកដំបូងរបស់ខ្លួនសម្រាប់ព្រឹត្តការណ៏ដ៏ធំនេះ។
ម្ចាស់ពានបាល់មាស៦សម័យ(Ballon d’Or) ក៏បានស៊ុតបញ្ចូលទីលើកដំបូងនៅក្របខណ្ឌ Ligue-១ ទល់នឹង Nantes នៅចុងសប្តាហ៍មុនផងដេរ ។ គួររំលឹកថារយៈ ពេលកន្លងមក Messi កំលុងពេលលេងអោយBarcelona និង PSG បានជួយអោយពួកគេឈ្នះ៦លើកនិងចាញ់១ដង ក្នុងចំណោម 7 ប្រកួតរបស់គេទល់នឹង Man City ហើយស៊ុតបញ្ចូលទីបានចំនួន ៩ គ្រាប់ (ស៊ុតបញ្ចូលទីបាន ៧ ដង និង assists ពីរដង)។
ការស៊ុតបាល់បញ្ចូលទីចំនួន ៧ គ្រាប់របស់កីឡាករវ័យ ៣៤ ឆ្នាំរូបនេះប្រឆាំងនឹងក្រុម Man City គឺជាគ្រាប់បាល់ដែលប្រធានក្រុមជម្រើសជាតិអាហ្សង់ទីនរូបនេះរកបានច្រើនបំផុតទីពីរ ទល់នឹងក្លឹបអង់គ្លេសក្នុងក្របខ័ណ្ឌ Champions League ខណៈMessi រកបាន ដល់ទៅ៩គ្រាប់ពោល គឺច្រើនបំផុតពេលជួប Arsenal។ ដូច្នេះលោក Guardiolaត្រៀមរៀបចំផែនការសំខាន់ ដើម្បីបញ្ឈប់ការបង្កើតកំនត់ត្រាថ្មីបន្ថែមទៀតសម្រាប់អតីតតារាឆ្នើមរបស់លោករូបនេះ៕
ប្រភពព័ត៍មាន៖ Sportsmole