បរទេស៖ Thomas Tuchel បានបំបែកកំណត់ត្រាអតីតគ្រូបង្វឹកលោក Jose Mourinho សម្រាប់កំនត់ត្រា មិនអោយរបូតគ្រាប់បាល់ច្រើនបំផុតក្នុង៥០ប្រកួតដំបូងបន្ទាប់ពីដឹកនាំក្រុមតោខៀវ Chelsea បំបាក់ក្រុមភ្ញៀវមក ពីអ៊ីតាលីគឺ Juventusក្នុងលទ្ធផល ៤ទល់និង០សម្រាប់ ការប្រកួត Champions League កាលពីថ្ងៃអង្គារ។
ម្ចាស់ជើងឯកទ្វីបអឺរ៉ុបChelsea បានបញ្ចេញសារទៅកាន់ក្លឹបគូប្រជែងដ៏ទៃទៀតថាពួកគេនៅតែ បង្ហាញ ទម្រង់លេងបានល្អ ក្រោយពីTrevoh Chalobah, Reece James, Callum Hudson-Odoi និង Timo Wernerជាអ្នកដែលរកគ្រាប់បាល់សម្រាប់ជ័យជំនះក្នុងការប្រកួតវគ្គជម្រុះក្នុងពូលនាកីឡាដ្ឋាន Stamford Bridge នេះដើម្បីត្រៀមបន្តទៅវគ្គ១៦ក្រុមចុងក្រោយ។
មានន័យថាការប្រកួតគ្រប់ក្របខណ្ឌលើកទី៥០ ដែលលោក Tuchelដឹកនាំគឺមានកំនត់ត្រាឈ្នះ៣២ដង និងបានរក្សាមិនអោយដៃគូប្រគួតស៊ុតបញ្ចូលទីបាន (Clean Sheet) រហូត៣១លើក និងរបូតគ្រាប់ បាល់ចូលទីតែ ២៤ដងប៉ុណ្ណោះ។ខណៈលោក Mourinhoមានកំនត់ត្រាចូល មកដឹកនាំChelsea ដំបូងនៅឆ្នាំ២០០៤ របូតគ្រាប់បាល់រហូតដល់ទៅ ២៧ គ្រាប់ក្រោយដឹកនាំបាន៥០ ប្រកួត។វាក៏ជា កំនត់ត្រាដែល ល្អបំផុតផង ដែរសម្រាប់លោកTuchel ខណៈមិនធ្លាប់មានគ្រូបង្វឹកនៅលីកកំពូលអង់ គ្លេសរូបណាធ្លាប់ធ្វើបាននោះទេ នា ពេលកន្លងមក ក្រៅពីបុរសសញ្ជាតិព័រទុយហ្គាល់ខាងលើនេះ៕
ប្រភពព័ត៍មាន៖ Metro