បរទេស៖ គ្រាប់បាល់ស៊ុតបញ្ចូលទីនៅតង់ទី២ពីសំណាក់កីឡាករ Thiago Alcantara និង Mohamed Salah បានជួយឲ្យក្រុមខ្លាំង Liverpool ដណ្តើមបានជ័យជម្នះក្នុងលទ្ធផល ២-០ លើក្រុម Porto ដើម្បីរក្សាកំណត់ត្រាយ៉ាងល្អឥតខ្ចោះរបស់ពួកគេ១ឥឥ% ក្នុងក្របខ័ណ្ឌ Champions League ពូល B កាលពីថ្ងៃពុធ។
Porto ដែលបានចាប់ផ្តើមការប្រកួតដោយស្ថិតក្នុងចំណាត់ថ្នាក់លេខ២ បន្ទាប់ពីក្រុម Liverpool នោះ បានខ្ជះខ្ជាយឱកាសជាច្រើននៅក្នុងតង់ទី១ ហើយចុងក្រោយបែរជាជួបការខកចិត្តទៅវិញ។ កំណត់ត្រារបស់ពួកគេ ពេលប្រកួតជាមួយនឹងក្រុម Liverpool បច្ចុប្បន្ន មាន១០ប្រកួត ដោយស្មើ៣លើក និងចាញ់៧លើក។
ក្រុមរបស់លោក Jurgen Klopp រកបាន១៥ពិន្ទុពេញពីការប្រកួត៥លើក និងបានតាមស្មើកំណត់ត្រាដ៏គួរឲ្យកត់សម្គាល់មួយ ខណៈដែលពួកគេបានក្លាយជាក្រុមអង់គ្លេសដំបូងគេ ក្នុងការស៊ុតបាល់បញ្ចូលទី២គ្រាប់ ក្នុងការប្រកួត១៦លើកជាប់ៗគ្នា ក្នុងរាល់យុទ្ធនាការទាំងអស់ បើគិតចាប់តាំងពីក្រុម Wolverhampton Wanderers ធ្វើបានក្នុងឆ្នាំ១៩៣៩៕
ប្រភពព័ត៌មាន៖ Channel News Asia
