បរទេស៖ បិសាចក្រហម Manchester United កំពុងតែពិភាក្សាយ៉ាងក្តៅគគុកជាមួយនឹងលោក Ralf Rangnick ជុំវិញការក្លាយជាអ្នកចាត់កាអូទៅបណ្តោះអាសន្នរហូតដល់ចុងរដូវកាលនេះ។ លោក Rangnick ដែលជាអតីតនាយកផ្នែកកីឡាបាល់ទាត់នៅក្លិប RB Salzburg និង RB Leipzig គឺជាប្រធានផ្នែកកីឡា និងអភិវឌ្ឍនៅក្លិប Lokomotiv Moscow ប៉ុន្តែ ការចរចាផ្សេងៗ
ជុំវិញការផ្ទេរទៅកាន់កីឡដ្ឋាន Old Trafford បានដំណើរការភ្លាមៗចាប់តាំងពីថ្ងៃចន្ទ។ បុរសវ័យ៦៣ឆ្នាំរូបនេះ បានបញ្ជាក់ប្រាប់ក្លិប Man United យ៉ាងច្បាស់ថា លោកនឹងទទួលយកសំណើក្នុងកិច្ចសន្យារយៈពេល៦ខែរបស់ពួកគេ ក្នុងនាមជាគ្រូបង្វឹកបណ្តោះអាសន្ន ប្រសិនបើមានការធានាទៅលើតនាទីផ្នែកទីប្រឹក្សារហូតដល់ខែឧសភា ឆ្នាំ២០២៤ ឬឆ្នាំ២០២៥។ Man United ត្រូវបានគេយល់ឃើញថា បានយល់ព្រមលើលក្ខខណ្ឌនេះ ដែលនឹងធ្វើឲ្យលោក Rangnick មានឥទ្ធិពលនៅក្នុងការសម្រេចចិត្តនានាផ្នែកកីឡាបាល់ទាត់។ ការចរចានានា ជាមួយនឹងក្លិប Lokomotiv កំពុងតែបន្ត។
d
លោក Rangnick បានចុះកុងត្រារយៈពេល៣ឆ្នាំកាលពីខែកក្កដា និងចង់ចាកចេញដោយការយល់ព្រមទាំងសងខាង។ Man United ជឿជាក់ថាក្លិប Lokomotiv នឹងយល់ព្រមអនុញ្ញាតឲ្យអតីតគ្រូបង្វឹករបស់ក្លិប Stuttgart, Schalke និង Hoffenheim រូបនេះចាកចេញ៕
ប្រភពព័ត៌មាន៖ Channel News Asia
