បរទេស៖ Barcelona បានវាយបករកបាន២គ្រាប់នៅចុងម៉ោងដើម្បីទទួលបានបីពិន្ទុពីក្រុមម្ចាស់ផ្ទះ Villarreal សម្រាប់ការប្រកួតនៅក្របខ័ណ្ឌ La Ligaសប្តាហ៏ទី១៤ក្នុងលទ្ធផល៣ទល់និង១កាលពីរាត្រីថ្ងៃសៅរ៏។ការស៊ុតបាល់បញ្ចូលទីយ៉ាងប្រកៀករបស់ Frenkie De Jong បានបើកការនាំមុខមុននៅនាទីទី៤៨ មុន ពេលSamuel Chukwueze រកបានគ្រាប់បាល់វាយបកតាមស្មើនៅនាទីទី៧៦សម្រាប់ក្រុមភ្ញៀវ។
ទោះយ៉ាងណាខ្សែប្រយុទ្ធអន្តរជាតិហូឡង់ Memphis Depay រកបានគ្រាប់បាល់វាយបកនំាមុខវិញនៅនាទីទី៨៨ខណៈកីឡាករបម្រុងគឺខ្សែបម្រើស្លាបអន្តរជាតិប្រេស៊ីល Philippe Coutinho មានឪកាសរកបានគ្រាប់បាល់ប៉េណាំងទីនៅនាទីទី៩០+៤ ជិតបញ្ចប់ការប្រកួត ។
ក្រោមការដឹកនាំរបស់គ្រូបង្វឹកថ្មីលោកXavi Hernandez ក្រុមBarcelonaបច្ចុប្បន្ននៅតែឈរនៅលេខរៀងទី ៧ ក្នុងតារាងក្របខ័ណ្ឌកំពូលអេស្ប៉ាញ បើទោះបីជាពួកគេឈ្នះការប្រកួតក្រៅដីជាលើកដំបូងនៃរដូវកាលនេះ ។បច្ចុប្បន្នក្រុមមានគម្លាត៥ពិន្ទុពីក្រុមSevilla ដែលជាក្រុមឈរនៅចំណាត់ថ្នាក់Top ៤និងមានគម្លាត១០ពិន្ទុពីក្រុមកំពូលតារាង Real Madrid៕
ប្រភពព័ត៍មាន៖ BBC