បរទេស៖ ខ្សែប្រយុទ្ធ Karim Benzema បានសម្តែងនូវការកោតសរសើរដល់អ្នកគាំទ្រនៃក្លិប Real Madrid ក្រោយពីពួកកគេបានស្រែកច្រៀងបន្ទរគ្នាថា «Karim, Ballon d’Or» ខណៈដែលគ្រាប់បាល់ស៊ុតបញ្ចូលទីរបស់គេនៅពេលប្រកួតជាមួយនឹងក្រុម Athletic Bilbao កាលពីថ្ងៃពុធ បានជួយឲ្យ Real នាំមុខ៧ពិន្ទុដាច់លើកំពូលតារាងនៃក្របខ័ណ្ឌ La Liga។
គ្រាប់បាល់ទី២០របស់ Benzema ក្នុងការប្រកួត២៤លើកនៅរដូវកាលនេះ បានកាត់សេចក្តីក្នុងពេលក្រុមខ្លួនបានយកឈ្នះក្នុងលទ្ធផល ១-០ នៅកីឡដ្ឋាន Santiago Bernabeu ដែលធ្វើឲ្យ Real ឈរយ៉ាងមានលំនឹងក្នុងការប្រជែងដណ្តើមពានអេស្ប៉ាញ បើទោះបីទើបតែប្រកួតបាន១៥ប្រកួតក៏ដោយ។
ការដណ្តើមបានជ័យជម្នះ៧លើកជាប់ៗគ្នា ក្នុងរាល់យុទ្ធនាការទាំងអស់ បានជួយឲ្យក្រុមរបស់លោក Carlo Ancelotti នាំមុខដាច់លើក្រុមលេខ២ ហើយ Benzema ដែលសហការគ្នាយ៉ាងល្អជាមួយនឹង Vinicius Junior ពិតជាមុតស្រួច។ លោក Ancelotti បានបញ្ជាក់កាលពីថ្ងៃអង្គារថា Benzema បានយំ ដោយសារតែការចាញ់ Lionel Messi ក្នុងការប្រជែងពាន Ballon d’Or កាលពីថ្ងៃចន្ទ ខណៈដែលតារាឆ្នើមអន្តរជាតិបារាំងរូបនេះ បានទទួលលេខ៤ក្នុងការបោះឆ្នោតចុងក្រោយ៕
ប្រភពព័ត៌មាន៖ Channel News Asia