បរទេស៖ ខ្សែបម្រើ-ការពារ Casemiro របស់ក្រុមអធិរាជស Real Madrid លើកឡើងពីឈ្មោះរបស់ Kylian Mbappe ថានឹងក្លាយជាដៃគូ ល្អឥតខ្ចោះជាមួយខ្សែប្រយុទ្ធនិងជាមិត្តរួមជាតិប្រេស៊ីលកំពុងឡើងជើង Vinicius Junior ប្រសិនជាកីឡាករអន្តរជាតិបារាំងរូបនេះចូលរួមជាមួយពួកគេនៅខែមករា២០២២ខាងមុខនេះ។
សមាជិកជ័យលាភីWorld Cup ២០២២បច្ចុប្បន្នមានវ័យ ២២ ឆ្នាំមានសុពលភាពកិច្ចសន្យាមិនដល់ ៧ ខែទៀតនោះទេនៅទឹកដីParc Des Princes ខណៈការផ្សារភ្ជាប់ទំនាក់ទំនងផ្លាស់ទៅកាន់ទឹកដី Santiago Bernabeu នៅតែបន្តជាពត៌មានដ៏រសើប ស្របពេលសាម៉ីខ្លួនក៏មានបំណងចង់វាកចេញដើម្បីស្វែងរកការប្រកួត ប្រជែងថ្មីនៅលីកកំពូលផ្សេងទៀតផងដែរ។
ថ្លែងប្រាប់បណ្តាញសារព័ត៌មានមុនការប្រកួត Champions League ជាមួយ Inter Milan នៅថ្ងៃអង្គារ Casemiro បានបញ្ជាក់យ៉ាងដូច្នេះថា៖ «Mbappe មិនមែនជាសមាជិកក្នុងក្រុមរបស់យើងទេ ប៉ុន្តែគាត់គឺជាកីឡាករដ៏អស្ចារ្យម្នាក់។គាត់គឺជាកំពូលកីឡាករម្នាក់ក្នុងចំណោមកំពូលកីឡាករទំាងបីនៅក្នុងពិភពលោក។ ហើយគាត់អាចសម្របខ្លួនលេងជាមួយក្លឹបណាមួយក៏បានក្នុងពិភពលោក»។ Mbappe បច្ចុប្បន្នចូលលេងបាន ១៩២ លើកឱ្យ PSGនៅគ្រប់ក្របខណ្ឌប្រកួតទាំងអស់ ដោយស៊ុតបញ្ចូលទីបាន ១៤១ គ្រាប់ និងបង្កើតឪកាសបញ្ចប់ទី៧៤ ដង៕
ប្រភពព័ត៍មាន៖ Sportsmole