បរទេស៖ ខ្សែបម្រើប្រយុទ្ធ Serge Gnabry របស់ក្រុម Bayern Munich បានស៊ុតបាល់បញ្ចូលទី៣គ្រាប់ និងជួយឲ្យ Robert Lewandowski រកបាន១គ្រាប់ទៀត ក្នុងពេលក្រុមរបស់ខ្លួនលត់ក្រុមម្ចាស់ផ្ទះ VfB Stuttgart ក្នុងលទ្ធផល ៥-០ កាលពីថ្ងៃអង្គារ ដើម្បីនាំមុខលើកំពូលតារាងរហូតដល់ទៅ៩ពិន្ទុនៃក្របខ័ណ្ឌ Bundeslia។
ក្រុម Bayern ដែលនឹងឈរលើកំពូលតារាងរហូតដល់បញ្ចប់ឆ្នាំ នៅមុនពេលចាប់ផ្តើមការប្រកួតឡើងវិញនៅឆ្នាំក្រោយ និងកំពុងតែសម្លឹងរកការឈ្នះពានលីកជាលើកទី១០ជាប់ៗគ្នារបស់ពួកគេនោះ បច្ចុប្បន្ន មាន៤០ពិន្ទុពីការប្រកួត១៦លើក។ ដោយក្រុមឈរលេខ២ Borussia Dortmund ដែលមាន៣១ពិន្ទុពីការប្រកួត១៥លើក នឹងប្រកួតនៅរាត្រីនេះដោយត្រូវប៉ះជាមួយនឹងក្រុម Greuther Fuerth។
លោក Julian Nagelsmann គ្រូបង្វឹករបស់ Bayern បានឲ្យដឹងថា៖ «Serge បានស៊ុតបាល់បញ្ចូលទី១គ្រាប់យ៉ាងល្អ រកគ្រាប់បាន២គ្រាប់ទៀតនៅតង់ទី២ ហើយបន្ទាប់មក ជួយឲ្យមិត្តរួមក្រុមរបស់គេរកបាន២គ្រាប់ទៀត»៕
ប្រភពព័ត៌មាន៖ Channel News Asia