បរទេស៖ ការប្រជែងងដណ្តើមពានក្របខ័ណ្ឌ Premier League របស់ក្រុមតោខៀវ Chelsea បានរងនូវការខកចិត្ត ខណៈដែលក្រុម Everton ដណ្តើមបានលទ្ធផលស្មើ ១-១ ត្រឹមតែរយៈពេលប៉ុន្មានម៉ោង ក្រោយពីតារាឆ្នើម៤នាក់របស់ក្រុមម្ចាស់ជើងឯកប្រចាំទ្វីបអឺរ៉ុបមួយនេះ បានតេស្តឃើញលទ្ធផលវិជ្ជមានលើវីរុសកូវីដ ១៩។
ខ្សែប្រយុទ្ធ Romelu Lukaku, Timo Werner ខ្សែប្រើ Callum Hudson-Odoi និង Ben Chilwell របស់ក្លិប Chelsea សុទ្ធសឹងបានតេស្តឃើញលទ្ធផលវិជ្ជមានលើកូវីដ ១៩ ស្របពេលដែលខ្សែបម្រើប្រយុទ្ធ Kai Havertz កំពុងតែមានអារម្មណ៍ថា មិនស្រូលខ្លួន នៅមុនពេលការប្រកួតជាមួយនឹងក្រុម Everton កាលពីថ្ងៃព្រហស្បតិ៍។ លោក Thomas Tuchel គ្រូបង្វឹករបស់ Chelsea បានឲ្យដឹងថា៖ «Kai មានអារម្មណ៍ថា មិនស្រួលខ្លួន រូបគេមិនមានលទ្ធផលវិជ្ជមានឡើយ ប៉ុន្តែ យើងរង់ចាំលទ្ធផលតេស្ត ហើយយើងបានសម្រេចចិត្តមិនដាក់ឲ្យរូបគេចូលក្នុងក្រុមនេះ»។
ទោះបីអវត្តមានតារាឆ្នើមច្រើនក៏ដោយ ប៉ុន្តែ ក្រុម Chelsea បានគ្រប់គ្រងការប្រកួតយ៉ាងល្អ នៅមុនពេលរបូតគ្រាប់បាល់តាមស្មើនៅរយៈពេល១៦នាទីចុងក្រោយ តាមរយៈកីឡាករ Jarrad Branthwaite៕
ប្រភពព័ត៌មាន៖ Channel News Asia