បរទេស៖ ក្រុមអធិរាជស Real Madrid មិនអាចស្នើសុំពន្យារពេលសម្រាប់ការប្រកួត La Liga នៅថ្ងៃអាទិត្យជាមួយក្រុមភ្ញៀវ Cadiz នៅថ្ងៃអាទិត្យចុងសប្តាហ៏នេះបានទេ បើទោះបីជាមានការរីករាលដាលនៃមេរោគកូវីត-១៩នៅក្នុងក្លឹបក៏ដោយ។ ក្រុមម្ចាស់ជើងឯក Champion League បានប្រកាសកាលពីថ្ងៃព្រហស្បតិ៍ថា Marco Asensio, Gareth Bale, Rodrygo និង Andriy Lunin ពួកគេបានធ្វើតេស្តវិជ្ជមាន COVID-១៩ ក្នុងរយៈពេល ២៤ ម៉ោងបន្ទាប់ពី Luka Modric និង Marceloទំាងពីររូបនេះបានរកឃើញថាឆ្លងដំបូងគេក្នុងក្រុម។
យោងគេហទំព័រMarca បានអោយដឹងថាៈច្បាប់ La Liga ចែងថា គ្មានក្លឹបណាមានលទ្ធភាពពន្យារពេលការប្រកួតប្រសិនពួកគេមានកីឡាករដែលអាចចូលលេងយ៉ាងហោចណាស់ ១៣ នាក់ឡើងទៅ។នៅក្របខ័ណ្ឌ Premier League ការប្រកួតសរុបចំនួន ៩ គូត្រូវបានពន្យារពេល ដោយសារកីឡាករឆ្លងកូវីដ១៩ ខណៈច្បាស់នៅក្របខណ្ឌកំពូលអង់គ្លេសបានបញ្ជាក់ថាការប្រកួតអាចត្រូវបានពន្យារពេលបានលុះត្រាតែកីឡាករដែលមានសិទ្ធិប្រកួតតិចជាង ១៤ នាក់ប៉ុណ្ណោះ។ដូច្នេះលោក Carlo Ancelotti និងត្រូវពឹងផ្អែកលើយុវជនថ្នាលមួយចំនួនអោយចូលលេងក្រុមឈុតធំ ក្នុងអំឡុងពេលមានវិបត្តិនេះ ដើម្បីត្រៀមការប្រកួតក្របខណ្ឌ La Liga ចុងក្រោយសប្តាហ៏ទី១៨&១៩របស់ពួកគេមុនបំណាច់ឆ្នាំ ២០២១ ទល់នឹង Cadiz ព្រមទាំង Athletic Bilbao ។
ក្រៅពីកូនក្រុមគឺកូនប្រុសបង្កើតរបស់លោក Ancelotti និងជំនួយការគ្រូបង្វឹកលោក Davide Ancelotti បានធ្វើតេស្តវិជ្ជមានកូវីត-១៩ខណៈខ្សែបម្រើ Dani Ceballos នៅតែបន្តអវត្តមានដោយសាររបួសកជើង៕
ប្រភពព័ត៍មាន៖ Sportsmole