បរទេស៖ ទោះបីជាស្ថិតក្នុងទម្រង់លេងដ៏អស្ចារ្យនិងកំពុងនាំមុខតារាងក្នុងរដូវកាលនេះ Real Madrid ក្រុមយក្សនៅក្របខណ្ឌ La Liga មិនដែលបំភ្លេចរឿងសម្លឹងរកកីឡាករឆ្នើមៗ ដែលមានទេពកោសល្យដើម្បី ដើម្បីពង្រឹងក្រុមបន្ថែមទៀតនោះទេ។ក្រុមកំពុងក្រោមការដឹកនំាដោយលោក Carlo Ancelloti ពួកគេបានធ្វើការវិនិយោគដ៏អស្ចារ្យ កាលពីរដូវក្តៅ ដោយបាននាំយក Alabaដោយគ្មានតម្លៃខ្លួនហើយ Rudiger អាចជាកីឡាករបន្ទាប់។
ខ្សែការពារកណ្តាលសញ្ជាតិអាឡឺម៉ង់ដែលផុតកុងត្រាជាមួយ Chelsea នៅថ្ងៃទី ៣០ ខែមិថុនា ស្របពេលសាម៉ីខ្លួនក៏បង្ហាញចេតនាចង់ចូលរួមជាមួយ Real Madrid ផងដែរ ។
ប្រភពពីគេហទំព័រ AS អេស្បាញ បានលើកឡើងថាៈ PSG ដែលជាក្លឹបមានអំណាចហិរញ្ញវត្ថុដ៏ធំ ក៏មានបំណងចង់ចូលមកប្រជែងការចរចានេះស្របពេលគេហទំព័រ Bild បានលើកឡើងផងដែរថាៈ ប្រធានផ្នែកកីឡារបស់ PSG លោក Leonardo បានជួបជាមួយភ្នាក់ងាររបស់ Rudiger កាលពីប៉ុន្មានសប្តាហ៍មុនជាមួយនឹងគោលបំណងយ៉ាងមុតមាំក្នុងការនាំយករូបគេមកកាន់ក្រុមដែលមានមូលដ្ឋាននៅរាជធានីប្រទេសបារាំង៕
ប្រភពព័ត៍មាន៖ Besoccer
