បរទេស៖ ប្រធានក្លឹប Bayern Munich លោក Herbert Hainer កាលពីថ្ងៃអាទិត្យបានច្រានចោលការដេញថ្លៃខ្សែប្រយុទ្ធ Erling Haaland ពីគូប្រជែង Dortmund ហើយសង្ឃឹមថាខ្សែប្រយុទ្ធ Robert Lewandowski បញ្ចប់អាជីព ជាមួយក្លឹបយក្ស Bavarian។
Hainer បានប្រាប់ទូរទស្សន៍ Sport1 ថា «Bayern Munich នឹងមិនចុះហត្ថលេខា លើ Haaland ទេ ពីព្រោះយើងកំពុងមាន Lewandowski ដែលចូលរួមជាមួយពួកយើងចាប់តាំងពីឆ្នាំ២០១៤»។ ខ្សែប្រយុទ្ធប៉ូឡូញដែលឈានចូលវ័យ ៣៤ ឆ្នាំនៅខែសីហាឆ្នាំក្រោយមានកិច្ចសន្យាAllianz Arena រហូតដល់ឆ្នាំ ២០២៣។ សម្រាប់Haaland វ័យ ២១ ឆ្នាំកំពុងស្ថិតក្រោមកិច្ចសន្យាជាមួយ Dortmund រហូតដល់ឆ្នាំ ២០២៤ ប៉ុន្តែអាចចាកចេញនៅឆ្នាំ ២០២២ ជាមួយតម្លៃទិញផ្តាច់កុងត្រាប្រមាណ៨០លានយូរ៉ូ។
កីឡាករសញ្ជាតិន័រវេសរូបនេះស៊ុតបញ្ចូលទីបាន ៧៦ គ្រាប់ក្នុង ៧៦ ប្រកួតសមម្រាប់ Dortmund ចាប់តាំងពីខែមករា ឆ្នាំ ២០២០ និង ត្រូវបានចាត់ទុកថាជាទ្រព្យសម្បត្តិដ៏មានតម្លៃក្នុងបាល់ទាត់អឺរ៉ុប។ Mino Raiola ភ្នាក់ ងាររបស់ Haaland ថ្មីៗនេះបាននិយាយថា: មានឱកាសដ៏អស្ចារ្យដែល Erling នឹងចាកចេញ នៅចុងបញ្ចប់ នៃរដូវកាលនេះជាមួយក្រុម Bayern Munich, Real Madrid, Barcelona និង Manchester City ជាគោល ដៅដែលរូបគេអាចចូលរួម៕
ប្រភពព័ត៍មាន៖ Besoccer
