បរទេស៖ Leeds United ត្រូវបានពិន័យជាប្រាក់ ២០,០០០ ផោនដោយសមាគមបាល់ទាត់អង់គ្លេស FA ដោយចោតប្រកាន់ក្លឹបនៅ Premier League មួយនេះជុំវិញព្រឹត្តិការណ៏ដែលហ៊ុំព័ទ្ធដោយអាជ្ញាកណ្តាលអំឡុងពេលប្រកួតចាញ់ក្រុម Chelsea ៣ទល់និង២ កាលពីដើមខែធ្នូនេះ។
Leeds United ក្រោមការដឹកនាំរបស់គ្រូបង្វឹកអាហ្សង់ទីនលោក Macelo Bielsa បច្ចុប្បន្នឈរនៅចំណាត់ថ្នាក់ទី១៦ និង មានគម្លាតត្រឹមតែ៥ពិន្ទុប៉ុណ្ណោះលើតំបន់កាត់ចោលបន្ទាប់ពីបន្តចាញ់ភ្ញៀវ Arsenal លើកចុងក្រោយ ក្នុងលទ្ធផល៤ទល់និង១កាលពីសប្តាហ៏ទី១៨។
នៅក្នុងសេចក្តីថ្លែងការណ៍លំអិតរបស់ FA បាននិយាយថា : Leeds United បានសារភាពថាពួកគេមិនបានធ្វើឱ្យប្រាកដថា កីឡាកររបស់ខ្លួនមានរបៀបរៀបរយ នៅពេលដែលពួកគេបានឡោមព័ទ្ធអាជ្ញាកណ្តាលនៃការប្រកួត ហើយទទួលយកការពិន័យស្តង់ដារ។ ហើយចាប់តាំងពីការប្រកួតជាមួយ Chelsea នៅកីឡដ្ឋាន Stamford Bridge រួចមកLeeds បានរហូត គ្រាប់បាល់រហូត ១១ គ្រាប់នៅក្របខ័ណ្ឌ Premier League ចំនួន២ប្រកួតចុងក្រោយ៕
