បរទេស៖ លោក Pepijn Lijnders ជំនួយការគ្រូបង្វឹកនៅក្លិប Liverpool បាននិយាយកាលពីថ្ងៃចន្ទថា វាជារឿងដែលមិនសមហេតុផលដែលក្រុមហង្សក្រហមរបស់លោកត្រូវលេងការប្រកួត២លើក ក្នុងចន្លោះពេល៤ថ្ងៃ ក្រោយពីមានការកើនឡើងករណីឆ្លងកូវីដ ១៩ និងបញ្ហារបួសកីឡាករក្នុងក្លិបរបស់លោក។
ក្រុម Liverpool បានបញ្ចប់ក្នុងលទ្ធផលស្មើ ២-២ ជាមួយនឹងក្រុម Tottenham Hotspur កាលពីថ្ងៃអាទិត្យ ក្នុងការប្រកួតក្របខ័ណ្ឌលីក ហើយនិងត្រូវប៉ះក្រុម Leicester City លើទឹកដីខ្លួនឯងនារាត្រីនេះ ក្នុងវគ្គ៨ក្រុមចុងក្រោយនៃពាន League Cup។ ប៉ុន្តែ ទាំងក្របខ័ណ្ឌ Premier League និងលីកកីឡាបាល់ទាត់អង់គ្លេស (EFL) បានប្រកាសកាលពីថ្ងៃចន្ទថា កម្មវិធីប្រកួតអំឡុងពេលរដូវបុណ្យទាន នឹងប្រព្រឹត្តទៅជាធម្មតា តាមការគ្រោងទុក បើទោះបីមានការផ្ទុះករណីឆ្លងកូវីដ ១៩ ក៏ដោយ។
លោក Lijnders បានប្រាប់អ្នកយកព័ត៌មានថា៖ «យើងតែងផ្តល់នូវការណែនាំរបស់យើង និងផ្តល់មតិយោបល់ដ៏ស្មោះត្រង់របស់យើង ដើម្បីលើកកម្ពស់គុណភាពនៃការប្រកួត។ នេះគឺជាអ្វីដែលយើងបានធ្វើក្នុងកិច្ចប្រជុំកាលពីថ្ងៃចន្ទ។ យើងពេញចិត្តភាពស្វិតស្វាញ ប៉ុន្តែ យើងទាំងអស់គ្នាត្រូវតែគោរពការវិវឌ្ឍទៅស្ថានភាពដើមវិញ។ យើងគិតថា វាជារឿងមិនសមហេតុផលដែលយើងត្រូវលេងការប្រកួត បន្ទាប់ពីសម្រាកបាន៤៨ម៉ោង»៕
ប្រភពព័ត៌មាន៖ Channel News Asia