បរទេស៖ Man Utd បានច្រានចោលការដេញថ្លៃខ្ចីជើងពីសំណាក់ក្លឹប Sevilla សម្រាប់ខ្សែប្រយុទ្ធ Anthony Martial អ្នកចាត់ការបណ្ដោះអាសន្ន Ralf Rangnick បានបញ្ជាក់កាលពីសប្តាហ៍មុនថា កីឡាករអន្តរជាតិបារាំងរូបនេះបានសម្រេចចិត្តចង់ចាកចេញពីទឹកដី Old Trafford ដើម្បីស្វែងរកឪកាសបានចូលលេងទៀងទាត់ ក្រោយ ចាប់ផ្តើមប្រកួតនៅក្របខណ្ឌ Premier League បានតែពីរលើកប៉ុណ្ណោះក្នុងរដូវកាលនេះ។
:focal(938x275:940x273)/origin-imgresizer.eurosport.com/2021/12/14/3271612-66949508-2560-1440.jpg)
កាលពីថ្ងៃអង្គារ Sevilla បានដាក់ដេញថ្លៃខ្ចីជើងសម្រាប់ Martial ប៉ុន្តែវាត្រូវបានមើលឃើញថាជាការផ្តល់ជូន ត្រឹមតែពាក់កណ្តាលនៃប្រាក់ឈ្នួល ២00,000 ផោនក្នុងមួយសប្តាហ៍របស់គាត់និងមិនបានផ្តល់ជូននៅប្រាក់ឈ្នួលទាំងអស់នេះបូករួមតម្លៃខ្ចីជើងទៀតនោះទេ។ដូច្នេះហើយទើបMan United បានច្រានចោលការដេញថ្លៃពីសំណាក់ក្លឹបដែលជោគជ័យនៅក្របខណ្ឌ Europa League ច្រើនបំផុត ស្របពេលក្រុមជើងឯកអង់គ្លេស២០សម័យ នឹងមិនអនុញ្ញាតឱ្យ Martial ចាកចេញពីក្លឹបក្នុងកិច្ចព្រមព្រៀងដែលមានតម្លៃទាបជាងនេះនៅខែក្រោយនោះឡើយ។
Martial មានកិច្ចសន្យាជាមួយ Man United រហូតដល់ឆ្នាំ ២០២៤ បន្ទាប់ពីបានចូលរួមជាមួយក្លឹបក្នុងនាមយុវជនដែលមានតម្លៃថ្លៃបំផុតនៅឆ្នាំ ២០១៥ពីMonaco និងស៊ុតបញ្ចូលទីបាន ៧៩ គ្រាប់ក្នុងការបង្ហាញខ្លួន ២៦៨ប្រកួតទាំងអស់៕
ប្រភពព័ត៍មាន៖ Sportsmole
