បរទេស៖ លោក Shin Tae-young គ្រូបង្វឹកនៃក្រុមបាល់ទាត់ជម្រើសជាតិថៃ បានទទួលស្គាល់ថា វាលុះត្រាតែមានអព្ភូតហេតុទើបក្រុមរបស់លោកអាចធ្វើការស្រោចស្រង់ក្នុងការប្រកួតជើងទី២ នៅថ្ងៃសៅរ៍បាន ក្រោយពីបានរងបរាជ័យក្រោមស្នាដៃក្រុមបាល់ទាត់ជម្រើសជាតិថៃ ៤-០ ក្នុងការប្រកួតជើងទី១នៃវគ្គផ្តាច់ព្រ័ត្រក្នុងព្រឹត្តិការណ៍ AFF Suzuki Cup ឆ្នាំ២០២០ កាលពីថ្ងៃពុធ។
លោកបានឲ្យដឹងថា៖ «ខ្ញុំទទួលយកការបរាជ័យនេះ ហើយខ្ញុំដឹងថា វាប្រហែលជាមិនអាចទៅរួចឡើយក្នុងការវាយបកផ្តួលក្រុមជម្រើសជាតិថៃ ក្នុងជើងទី២ ជាពិសេស ប្រសិនបើយើងបានបង្ហាញពីទម្រង់លេងដូចដែលយើងបានលេងក្នុងតង់ទី២នៅរាត្រីនេះ។ ប៉ុន្តែ បាល់មូល ហេតុនេះ យើងមិនបោះបង់ចូលឡើយ»។ ក្រុមជម្រើសជាតិថៃ បានគ្រប់គ្រងទាំងស្រុងក្នុងការប្រកួតជើងទី២ ខណៈដែលគ្រាប់បាល់ស៊ុតបញ្ចូលទី២គ្រាប់ពីសំណាក់តារាឆ្នើម Chanathip Songkrasin ក្នុងនោះរាប់បញ្ចូលទាំងគ្រាប់បាល់បើកឆាក ក្រោយពីលេងបានត្រឹមតែ៩០វិនាទី បានជួយថៃ យកឈ្នះលើក្រុមជម្រើសជាតិឥណ្ឌូនេស៊ី ដោយងាយ។
លោក Alexandre Polking គ្រូបង្វឹកនៃក្រុមជ្រើសជាតិថៃ បាននិយាយថា ពេលនេះ ពានហាក់ស្ថិតក្នុងកណ្តាប់ដៃរបស់ក្រុមជម្រើសជាតិថៃហើយ។ លោកបានឲ្យដឹងថា៖ «ពេលនេះ យើងមានប្រៀបដ៏ធំ ហើយពិតណាស់ យើងមិនគួររីករាយខ្លាំងពេកឡើយ ប៉ុន្តែ យើងដឹងថា ពេលនេះ វាស្ថិតក្នុងដៃរបស់យើងហើយក្នុងការនាំយកពានវិលទៅកាន់ប្រទេសថៃវិញ»៕
ប្រភពព័ត៌មាន៖ Channel News Asia