បរទេស៖ គ្រូបង្វឹក Thomas Tuchel បានផ្តល់យោបល់ថាគាត់ និងក្លឹប Chelsea បានទទួលយកការសុំអភ័យទោសពីសំណាក់ខ្សែប្រយុទ្ធ Romelu Lukaku ក្រោយការពិភាក្សាគ្នាកាលពីថ្ងៃច័ន្ទជុំវិញការលើកឡើងថារូបគេ មិនសប្បាយចិត្តនឹងជីវិតជាមួយវិធីនៃការដឹកនាំនៅទឹកដី Stamford Bridge និងកំពុងសម្លឹងឪកាសវិលត្រលប់ទៅកាន់ក្លឹប Inter Milan វិញ។
កីឡាករអន្តរជាតិបែលហ្សិកវ័យ២៨ឆ្នាំរូបនេះមិនបានជាប់ជម្រើស១១នាក់ដំបូងនោះទេនៅប៉ុន្មានសប្តាហ៏ចុងក្រោយ ហើយជាចុងក្រោយគឺមិនបានជាប់ឈ្មោះសូម្បីអង្គុយជាកីឡាកបម្រុងកំលុងការប្រកួតលីកកំពូល Premier League នៅថ្ងៃអាទិត្យជាមួយភ្ញៀវ Liverpoolថែមទៀត។ យ៉ាងណាម៉ិញ នៅក្នុងសន្និសីទសារព័ត៌មានមុនការប្រកួតមុនការប្រកួត EFL Cup នៅរាត្រីថ្ងៃពុធឈានចូលថ្ងៃព្រហស្បត្ត៏វវេលាម៉ោង២និង៤៥នាទីនេះជាមួយ Tottenham លោក Tuchel បានទទួលស្គាល់ថា Lukaku បានសុំទោសចំពោះទង្វើរបស់គាត់ ស្របពេលគ្រូបង្វឹកអាល្លឺម៉ង់រូបនេះបានបញ្ជាក់ប្រាប់ថាស្ថានភាពពេលនេះគឺកំពុងស្ងប់ស្ងាត់ល្អ។
លោក Tuchel បន្ថែមថាៈ រឿងទីមួយយើងសប្បាយចិត្តដែលយើងបានចំណាយពេលវេលាដោះស្រាយបញ្ហាប្រឈមខ្លះ (Luakku) គាត់បានសុំទោស និងត្រលប់មកហ្វឹកហាត់នៅថ្ងៃនេះ។ សម្រាប់ខ្ញុំ អ្វីដែលសំខាន់បំផុតយល់ថាវាមិនមែនជាចេតនាដែល គាត់ចង់បង្កបញ្ហាដល់ក្រុម មុនការប្រកួតធំៗរបស់យើងនោះឡើយ។រឿងទីពីរ គាត់បង្ហាញអាកប្បកិរិយាចង់ជួយក្រុម និង ត្រៀមខ្លួនរួចរាល់គិតចាប់តាំងពីធូរស្បើយពីរបួស ដូច្នេះវាជាលើកទីមួយហើយដែលយើងមានអារម្មណ៍ថាគាត់បែបនេះ។ Lukaku រំពឹងថានឹងបង្ហាញខ្លួនក្នុងការប្រកួតជាមួយក្រុមមាន់ខ្នាយមាស Tottenham នឹងជាមួយក្រុម Chelsea ក្នុងការប្រកួតពានរង្វាន់ដ៏ចំណាស់របស់អង់គ្លេស FA Cup នៅចុងសប្តាហ៍នេះផងដែរ៕
ប្រភពព័ត៍មាន៖ Sportsmole