បរទេស៖ Chelsea បានគ្រប់គ្រងក្នុងការប្រកួតពាន League Cup វគ្គពាក់កណ្តាលផ្តាច់ព្រ័ត្ររបស់ពួកគេជាមួយនឹងក្រុម Tottenham ស្របពេលដែលខ្សែប្រយុទ្ធ Romelu Kukaku បានវិលចូលលេងវិញ ក្នុងពេលក្រុមខ្លួនបានទទួលជ័យជម្នះក្នុងលទ្ធផល ២-០ ក្នុងការប្រកួតជើងទី១ កាលពីថ្ងៃពុធ។
ក្រុមរបស់លោក Thomas Tuchel កំពុងតែធ្វើដំណើរឆ្ពោះទៅកាន់វគ្គផ្តាច់ព្រ័ត្រនៃពាន League Cup ជាលើកដំបូង បើគិតចាប់តាំងពីឆ្នាំ២០១៩ ក្រោយពីបានផ្តួលក្រុមស្ថិតក្នុងទីក្រុងឡុងដ៍តែមួយ Tottenham នាកីឡដ្ឋាន Stamford Bridge។ ខ្សែបម្រើប្រយុទ្ធ Kai Havertz បានជួយឲ្យក្រុម Chelsea រកបានគ្រាប់បាល់មុន នៅមុនពេលការធ្វើឲ្យបាល់ចូលទីខ្លួនឯងរបស់កីឡាករ Ben Davies បានបន្ថែមការនាំមុខរបស់ពួកគេនៅមុនពេលបញ្ចប់តង់ទី១តែម្តង។
បើទោះបី Chelsea មិនអាចរកបានគ្រាប់បាល់បន្ថែមទៀតក្នុងការប្រកួតនេះក៏ដោយ ប៉ុន្តែ ពួកគេនឹងធ្វើដំណើរទៅកាន់ទឹកដីក្រុម Tottenham សម្រាប់ការប្រកួតជើងទី២ នៅថ្ងៃទី១២ ខែមករា ក្នុងនាមជាក្រុមមានក្តីសង្ឃឹមខ្ពស់ក្នុងការឈានទៅវគ្គផ្តាច់ព្រ័ត្រ ដើម្បីប្រកួតជាមួយនឹងក្រុម Liverpool ឬ Arsenal។ ការប្រកួតជើងទី១ ក្នុងវគ្គពាក់កណ្តាលផ្តាច់ព្រ័ត្ររបស់ Liverpool ដែលត្រូវបានគ្រោងរៀបចំឡើងនៅរាត្រីនេះ ត្រូវបានពន្យារពេលរហូតដល់សប្តាហ៍ក្រោយ ក្រោយពីការផ្ទុះការឆ្លងវីរុសកូរ៉ូណា ក្នុងចំណោមក្រុមរបស់លោក Jurgen Klopp៕
ប្រភពព័ត៌មាន៖ Channel News Asia