បរទេស៖ ខ្សែប្រយុទ្ធ Lionel Messi របស់ក្លិប Paris St Germain បានវិលទៅកាន់ទីក្រុងប៉ារីសវិញ ក្រោយពីទទួលលទ្ធផលតេស្តវិជ្ជមានលើវីរុសកូវីដ ១៩ ហើយនិងចូលហ្វឹហាត់វិញ ក្នុងពេលឆាប់នេះ។ នេះបើយោងទៅតាមការប្រកាសរបស់ក្លិបស្ថិតក្នុងក្របខ័ណ្ឌ Ligue 1 មួយនេះកាលពីថ្ងៃពុធ។ Messi បានស្ថិតក្នុងចំណោមកីឡាកររបស់ PSG ដែលទទួលបានលទ្ធផលវិជ្ជមានកាលពីថ្ងៃអាទិត្យ។
កីឡាករវ័យ៣៤ឆ្នាំរូបនេះ បានស្ថិតក្នុងប្រទេសអាហ្សង់ទីន ក្នុងពេលដែលទទួលលទ្ធផលតេស្តវិជ្ជមាននោះ។ Messi ដែលជាម្ចាស់ពានបាល់មាស Ballon d’Or ៧សម័យកាល បានអវត្តមានក្នុងពេលក្រុមខ្លួនបានយកឈ្នះលើក្រុមស្ថិតក្នុងក្របខ័ណ្ឌលំដាប់ទី៣ Vannes ក្នុងលទ្ធផល ៤-០ កាលពីថ្ងៃចន្ទ ក្នុងការប្រកួតពាន French Cup វគ្គ៣២ក្រុមចុងក្រោយ។ ខ្សែប្រយុទ្ធអន្តរជាតិអាហ្សង់ទីន Messi បានចូលរួមជាមួយនឹងក្លិប PSG ពីក្លិប Barcelona កាលពីខែសីហា និងបានស៊ុតបាល់បញ្ចូលទី៦គ្រាប់ ក្នុងការប្រកួត១៦លើក ក្នុងរាល់យុទ្ធនាការទាំងអស់ សម្រាប់ PSG។
ក្រុមរបស់លោក Mauricio Pochettino កំពុងតែឈរលើកំពូលតារាងនៃក្របខ័ណ្ឌ Ligue 1 ដោយមាន៤៦ពិន្ទុពីការប្រកួត១៩លើ ដោយនាំមុខ១៣លើក្រុមលេខ២ Nice៕
ប្រភពព័ត៌មាន៖ Channel News Asia