បរទេស៖ គ្រូបង្វឹកបណ្ដោះអាសន្នក្រុម Man Utd លោក Ralf Rangnick បានបញ្ជាក់ថាលោកនឹងចម្រាញ់យកកីឡាករ ដែលល្អបំផុតដើម្បីដាក់អោយចូលលេងក្នុងជំនួបជាមួយ Aston Villa ក្នុងការប្រកួតពានរង្វាន់ FA Cup នៅយប់ថ្ងៃចន្ទ។
ក្រុមបិសាចក្រហមមានបំណងចង់ស្តារមុខមាត់ឡើងវិញក្រោយបរាជ័យក្នុងលីកជាមួយ Wolverhampton Wanderers កាលពីពេលកន្លងទៅមុននៅពេលដែលពួកគេចាប់ផ្តើមដំណើរការប្រកួតពានរង្វាន់ FA Cu ជុំទី៣នៅរដូវកាលនេះ ។ មានការផ្ដល់យោបល់ថាលោក Rangnick នឹងធ្វើការផ្លាស់ប្តូរកីឡាករផងដែរនៅពេលជួបAston Villa ជាលើកទីពីរនៅថ្ងៃទី ១៥ ខែមករា ប៉ុន្តែគ្រូបង្វឹក អាល្លឺម៉ង់បានទទូចថា នឹងធ្វើការផ្លាស់ប្តូរតែមួយចំនួនតូចទេ។
Rangnick បានប្រាប់ MUTV ថា «យើងពិតជាមិនបានដាក់អោយកីឡាករលេងពេញសាច់៨ទៅ៩នាក់រឺ សូម្បីតែ ១០ នាក់ដូចដែលយើងបានជួប Young Boysនៅ Champions League ។វាអាចមានការផ្លាស់ប្តូរមួយចំនួន ប៉ុន្តែខ្ញុំមិនទាន់បានសម្រេចចិត្តចុងក្រោយដោយខ្លួនឯងនៅឡើយដែរ។ យើងពិតជានឹងព្យាយាមអោយការប្រកួតនេះ ដូចការប្រកួតលីកកំពូលរឺ Champions League ដូច្នេះដែរ»។ Man United នឹងមានការមមញឹកដដោយត្រូវលេងបួនប្រកួតក្នុងចន្លោះពេល ១២ ថ្ងៃក្នុងខែមករាសប្តាហ៏ទី២នេះ បន្ទាប់ពីការប្រកួតពីរលើកជាប់គ្នាជាមួយ Aston Villa មុនពេលជួប Brentford និង West Ham United៕
