បរទេស៖ ទីបំផុត Dani Alves បានបង្កើតឪកាសបញ្ចប់ទី (Assist) សម្រាប់មិត្តរួមក្រុម Luuk De jong តែតបាល់បញ្ចូលទីនៅក្របខណ្ឌ La Liga នៅនាទីទី៥៧និងជាការបង្ហាញខ្លួនលើកទី១គិតចាប់តាំងពីឆ្នាំ២០១៦មក ។
ប៉ុន្តែទោះយ៉ាងណានៅតែមិនអាចជួយអោយ Barcelona មានឱកាសឡើងទៅឈរនៅចំណាត់ថ្នាក់លេខ៣ នៅក្របខណ្ឌកំពូលអេស្បាញបានទេបន្ទាប់ពីត្រូវ Granada វាយបកតាមស្មើវិញដោយការស៊ុតជើងឆ្វេងពីសំណាក់កីឡាករ Antonio Puertas នាទីទី ៨៩ជិតបញ្ចប់ការប្រកួត ដើម្បីរកបានមួយពិន្ទុសម្រាប់ក្រុមម្ចាស់ផ្ទះ។ ការពិតBarcelonaក៏មានឪកាសនាំមុខដោយការរកគ្រាប់បាល់នៅដើមតង់ទី១នាទីទី៩ ប៉ុន្តែការតែតបញ្ចូលទីរបស់ខ្សែប្រយុទ្ធអន្តរជាតិ ហូឡង់ De Jong នោះត្រូវបានVAR បដិសេធដោយចាត់ទុកជាបាល់offside ខណៈBarcelona នៅសល់កីឡាករតែ១០នាក់ បន្ទាប់ពី Gavi ត្រូវបានអាជ្ញាកណ្តាលផ្តល់កាតក្រហមបណ្តេញចេញពីការប្រកួតនៅនាទីទី៧៩មកម្លេះ ។
Barcelona និងត្រូវត្រៀមធ្វើការប្រកួតដោយត្រូវធ្វើជាម្ចាស់ផ្ទះទទួលក្រុមគូប្រជែង Real Madrid ក្នុងវគ្គពាក់កណ្តាលផ្តាច់ព្រ័ត្រ Spanish Super Cup ខណៈ Granada បានរក្សាកំនត់ត្រាមិនដែលចាញ់ប្រាំពីរប្រកួតនៅ La Liga ។ គិតត្រឹំសប្តាហ៏ទី២០នេះ ក្រុមលោក Xavi Hernandez កំពុងឈរនៅចំណាត់ថ្នាក់លេខ៦មានគម្លាត១ពិន្ទុប៉ុណ្ណោះពីក្រុមលេខ៤ Sociedad៕
ប្រភពព័ត៍មាន៖ BBC