បរទេស៖ Paul Scholes ជឿជាក់ថាអតីតក្លឹប Man Utd របស់លោកគួរតែតែងតាំងគ្រូបង្វឹករូបណាម្នាក់ក្នុងចំណោមលោក Antonio Conte និង Mauricio Pochettino ជាជម្រើសកំពូលដើម្បីជំនួសលោក Ralf Rangnick ដែលកំពុង ដឹកនាំក្លឹបជើងឯកអង់គ្លេស២០សម័យនាពេលបច្ចុប្បន្ន ។ Man Utd បានតែងតាំងគ្រូបង្វឹកលោក Rangnick អោយដឹកនាំក្រុមបណ្ដោះអាសន្នក្នុងខែវិច្ឆិកា ដោយស្នងតំណែងលោក Ole Gunnar Solskjaer រហូតដល់ចុងបញ្ចប់នៃរដូវកាលនេះ។
Man.United បានបញ្ជាក់ផងដែរថាលោក Rangnick នឹងផ្លាស់ទៅធ្វើជាទីប្រឹក្សាផ្តល់យោបល់នៅទឹកដី Old Traffordក្រោយបញ្ចប់រដូវកាលនេះ។ប៉ុន្តែទោះយ៉ាងណាក្លឹបបានមើលឃើញពីភាពរីកចម្រើនក្រោមការដឹកនាំរបស់គ្រូបង្វឹកអាឡឺម៉ង់ រូបនេះដោយ ៥ ប្រកួត ដំបូងមិនដែលចាញ់ តែភាពផ្អែមល្ហែមមមិនបានយូរនោះទេ ក្រោយពី Man. Utd រងបរាជ័យយ៉ាងខកចិត្តនៅក្នុងផ្ទះក្រោមថ្វីជើងWolves កាលពីដើមខែ ប៉ុន្តែ បានផ្តួលAston Villa នៅក្របខណ្ឌ FA Cup កាលពីថ្ងៃចន្ទដើម្បីស្តារមុខមាត់ឡើងវិញ។ Scholes បានប្រាប់បណ្តាញYouTube Webby & O’Neill ថា :លោកConte មានកម្រិតដឹកនាំដូចជាលោក Pep Guardiola, Jurgen Klopp និង Thomas Tuchel ដូច្នេះ។ដូច្នេះខ្ញុំគិតថាMan United គួរតែស្វែងរកមនុស្សបែបនោះ។ អ្នកគាំទ្រ Tottenham នឹងមិនចូលចិត្តខ្ញុំនិយាយវាទេ ប៉ុន្តែខ្ញុំគិតថាពួកគេ(Man.Utd) នៅតែស្វាគមន៍គាត់នៅរដូវក្តៅខាងមុខ។
Man. United ធ្លាប់មានទំនាក់ទំនងក្នុងការនាំយក Conte មុនពេលក្លឹបបញ្ចប់តំណែងលោក Solskjaer ប៉ុន្តែទីបំផុត អតីតគ្រូបង្វឹក Inter Milan និង Chelsea បានសម្រេចទៅដឹកនាំ Tottenham ។សម្រាប់អ្នកចាត់ការអន្តរជាតិអាហ្សង់ទីនលោក Pochettino មានទំនាក់ទំនងផ្លាស់មកដឹកនាំMan.Utd ក្រោយពី មានពត៌មានបានចុះផ្សាយថា ក្លឹប Paris Saint-Germain កំពុងទាក់ទងលោកZinedine Zidane មកដឹកនាំនៅបញ្ចប់ រដូវកាលនេះ៕
ប្រភពព័ត៍មាន៖ Metro