បរទេស៖ Erling Braut Haaland មានឱកាសរកបានគ្រាប់បាល់បញ្ចូលទី ពីរគ្រាប់នៅនាទីទី៤៥+១ និង ៧៥ ខណៈ Borussia Dortmund បានយកឈ្នះក្រុមចំណាត់ថ្នាក់លេខ ៤គឺក្រុមភ្ញៀវ Freiburg ក្នុងលទ្ធផល៥ទល់និង១ ដើម្បីបន្តរក្សាគម្លាតត្រឹមតែ៣ពិន្ទុ ពីក្រុមនាំមុខតារាង Bundesliga គឺ Bayern Munich សម្រាប់សប្តាហ៏ទី១៩កាលពីយប់ថ្ងៃសុក្រ។
គួរបញ្ជាក់ថាខ្សែប្រយុទ្ធឆ្នើមសញ្ជាតិន័រវេសមានវ័យទើបតែ ២១ ឆ្នាំ ឥឡូវនេះបានស៊ុតបញ្ចូលទីគ្រាប់បាល់សរុបចំនួន៧៨ គ្រាប់ក្នុង ៧៧ ប្រកួតសម្រាប់ Dortmund ខណៈដែលកំណត់ត្រាស៊ុតបញ្ចូលទីដ៏គួរឱ្យចាប់អារម្មណ៍របស់ Haaland ក៏រួមបញ្ចូលផងដែរសម្រាប់គ្រាប់បាល់៥៥ គ្រាប់ក្នុង៥៦ ប្រកួតនៅលីកកំពូលអាឡឺម៉ង់។
ក្រុមការពារតំណែងជើងឯក Bayern Munich ក៏និងអាចបន្តនាំមុខលើកំពូលតារាងរហូតដល់៦ពិន្ទុឡើងវិញប្រសិនពួកគេយកឈ្នះ Koln សម្រាប់ការប្រកួតនៅរាត្រីថ្ងៃសៅរ៍នេះ៕
ប្រភពព័ទ៍មាន៖ BBC