បរទេស៖ Man Utd មិនមានគម្រោងតែងតាំងខ្សែប្រយុទ្ធស្លាប Cristiano Ronaldo ជាប្រធានក្រុមនោះទេ នេះបើយោងតាមការអះអាងរបស់អ្នកចាត់ការបណ្តោះអាសន្នលោក Ralf Rangnic បានលើកឡើង។
គួរបញ្ជាក់ថានៅក្នុងសប្តាហ៍នេះ កីឡាករអន្តរជាតិព័រទុយហ្គាល់វ័យ៣៦ឆ្នាំ បានជម្រុញអោយក្រុម បន្តការខិតខំប្រឹងប្រែងសាជាថ្មី បន្ថែមទៀតដើម្បីធ្វើយ៉ាងណាបញ្ចប់ចំណាត់ថ្នាក់ក្នុងចំណាត់ថ្នាក់កំពូលទាំងបី(Top ៣)នៅបញ្ចប់រដូវកាល។ បើទោះបីជា Ronaldo បានបង្ហាញខ្លួនក្នុងនាមជាប្រធានក្រុមនៅក្នុងការប្រកួតកន្លងមកជាមួយ Wolverhampton យ៉ាងណាក្តីគ្រូបង្វឹកអន្តរជាតិអាឡឺម៉ង់បានបញ្ជាក់យ៉ាងច្បាស់ថាលោកនឹងមិនដកតំណែងខ្សែការពារកណ្តាល Harry Maguire ចេញនោះទេ។
លោកRangnick បន្ថែមថាៈ មិនមានហេតុផលអ្វីដើម្បីធ្វើដូច្នេះទេ ព្រោះ Harry ជាប្រធានក្រុមរហូតមកដល់ពេលបច្ចុប្បន្ន នេះ ដរាបណាគាត់មានវត្តមាននោះគាត់និងនៅតែបន្តកាន់តួនាទីជាកាពីតែនក្រុម។ ហើយប្រសិនគាត់មិនបានចូលលេង នោះកីឡាករផ្សេងទៀតនឹងត្រូវធ្វើជាប្រធានក្រុមជំនួស ។ មិនមែនមានតែ Cristiano ទេដែលអាចដើរតួជំនួសដែលយើងមាន Edinson Cavani និងកីឡាករមួយចំនួនទៀតដូចជា David de Gea និង Victor Lindelof។ Bruno Fernandes យើងមានកីឡាករវ័យចំណាស់ដែលមានបទពិសោធគ្រប់គ្រាន់ហើយ។ Man Utd នឹងត្រលប់មកធ្វើការប្រកួតក្នុងជំនួបជាមួយ Aston Villaនៅក្របខណ្ឌ Premier Leagueវេលាម៉ោង ១២:៣០ ឈានចូលថ្ងៃទី ១៦ មករា ២០២២៕
ប្រភពព័ត៍មាន៖ Sportsmole