បរទេស៖ គ្រូបង្វឹក Barcelona លោក Xavi Hernandez ទីបំផុតបានទទួលស្គាល់ថាក្លឹបយក្សកាតាឡាននឹងមិនបញ្ចុះបញ្ចូលរឺលួងលោមខ្សែប្រយុទ្ធ Ousmane Dembele អោយបន្តកុងត្រាថ្មីបាននោះទេ។
គួរបញ្ជាក់ថាខ្សែប្រយុទ្ធក្រុមមាន់គកបារាំង វ័យ ២៤ ឆ្នាំដែលបច្ចុប្បន្នកុងត្រារបស់ខ្លួននៅទឹកដី Camp Nou នឹងត្រូវផុតកំណត់នៅចុងខែមិថុនា ខាងមុខ ដូច្នេះសមាជិកជ័យលាភី World Cup ២០១៨ និងអាចចាប់ផ្តើមពីពេលនេះស្តីពីការចរចារចាកចេញទៅកាន់ក្លឹបដទៃទៀតដោយគ្មានតម្លៃខ្លួនបាន។កន្លងមកក្រោយចូលមកដឹកនាំក្លឹបយក្សកាតាឡាន់អ្នកចាត់ការទូទៅសញ្ជាតិអេស្បាញលោក Xavi ធ្លាប់មានសុទិដ្ឋិនិយមថានិងអាចបន្តកុងត្រាជាមួយកីឡាករដែលញាំញីដោយសាររបួសញឹកញាប់រូបនេះបាន ។
ទោះបីជាយ៉ាងណាប្រភពពី AS បានចុះផ្សាយគ្រូបង្វឹកវ័យ៤២ ឆ្នាំ មានអារម្មណ៏ខឹងសម្បារនឹងអស់ភាពអត់ធ្មត់និងបានធ្វើការទាមទារភ្នាក់ងាររបស់ Dembele គឺ Moussa Sissoko ចំពេលមានការលើកឡើងថាកីឡាករសញ្ជាតិបារាំងរូបនេះចង់បានកុងត្រា ៧០,០០០០ផោនក្នុងមួយសប្តាហ៍។ទោះយ៉ាងណាថ្មីៗភ្នាក់ងាររបស់ Dembele បានឆ្លើយតបទៅវិញថាការបន្តកុងត្រាថ្មីមិនមែនដោយសារលុយនោះទេ។ Juventus និង Man Utd គឺជាក្លឹបដែលមានទំនាក់ទំនងក្នុងការចុះហត្ថលេខាអតីតកីឡាករ Dortmund ក្នុងការផ្ទេរដោយឥតគិតថ្លៃមុនយុទ្ធនាការរដូវកាលថ្មី២០២២-២០២៣ចាប់ផ្តើម៕
ប្រភពព័ត៍មាន៖ Sportsmole