បរទេស៖ ខ្សែប្រយុទ្ធ Nicolas Pepe បានរកគ្រាប់បាល់បញ្ចូលទីយ៉ាងល្អ ខណៈដែលក្រុមបាល់ទាត់ជម្រើសជាតិកូតឌីវ័រ បានផ្តួលក្រុមជម្រើសជាតិអាល់ហ្សេរី ក្នុងលទ្ធផល ៣-១ ដើម្បីទម្លាក់ក្រុមម្ចាស់ការពារជើងឯកមួយនេះ ឲ្យធ្លាក់ចេញពីព្រឹត្តិការណ៍ Africa Cup of Nations កាលពីថ្ងៃព្រហស្បតិ៍ ក្រោយពីជួបយុទ្ធនាការដ៏សោកសៅក្នុងការប្រកួតពូល E។
កំណត់ត្រានៃការមិនស្គាល់ចាញ់សោះរបស់អាល់ហ្សេរី បានបញ្ចប់ត្រឹម៣៥ប្រកួត ក្រោមស្នាដៃក្រុមជម្រើសជាតិហ្គីណេអេក្វាទ័រ ក្នុងលទ្ធផលដ៏មិនគួរឲ្យជឿ ហើយពួកគេបានក៏បានស្ថិតក្រោមការគ្រប់គ្រងរបស់ក្រុមជម្រើសជាតិកូតឌីវ័រ ដែលគួរតែអាចរកបានគ្រាប់បាល់ច្រើនជាង ប្រសិនបើបញ្ចប់ទីបានល្អប្រសើរ ផងដែរ។
ស្របពេលជាមួយគ្នានេះ ខ្សែប្រយុទ្ធ Ablie Jallow និងអ្នកចាំទី Baboucarr Gaye បានបំពេញតួនាទីយ៉ាងល្អ ខណៈដែលក្រុមជម្រើសជាតិហ្គំប៊ី បានយកឈ្នះលើក្រុមខ្លាំងទុយនីស៊ី ក្នុងលទ្ធផល ១-០ ដើម្បីបញ្ចប់ក្នុងចំណាត់ថ្នាក់លេខ២ ក្នុងពូល E។ ប៉ុន្តែ ក្រុមជម្រើសជាតិទុយនីស៊ី នៅតែអាចឈានទៅវគ្គ១៦ក្រុមចុងក្រោយ ក្នុងនាមជាក្រុមលេខ៣ល្អ ក្នុងវគ្គចែកពូលនេះ៕
ប្រភពព័ត៌មាន៖ Channel News Asia