បរទេស៖ ក្រុមបាល់ទាត់ជម្រើសជាតិទុយនីស៊ី បានបំបាក់មុខក្រុមជម្រើសជាតិនីហ្សេរីយ៉ា ហើយក្រុមជម្រើសជាតិបួគីណាហ្វាសូ បានទម្លាក់ក្រុមជម្រើសជាតិហ្គាបុង កាលពីថ្ងៃអាទិត្យ ដើម្បីជួបគ្នាក្នុងវគ្គ៨ក្រុមចុងក្រោយនៃព្រឹត្តិការណ៍ Africa Cup of Nations ស្របពេលដែលក្រុមជម្រើសជាតិកូម៉ូរ៉ូស ត្រៀមប្រើប្រាស់កីឡាករក្រៅទីលានម្នាក់ ជាអ្នកចាំទី នៅពេលដែលពួកគេប៉ះជាមួយនឹងក្រុមម្ចាស់ផ្ទះ កាមេរូន។
កីឡាករជើងចាស់ Youssef Msakni បានស៊ុតបាល់បញ្ចូលទីភ្លាមៗនៅដើមតង់ទី២ ដើម្បីជួយឲ្យក្រុមជម្រើសជាតិទុយនីស៊ី ដណ្តើមបានជ័យជម្នះក្នុងលទ្ធផល ១-០ លើក្រុមនៅសល់សមាជិកត្រឹមតែ១០នាក់ នីហ្សេរីយ៉ា ក្នុងទីក្រុង Garoua។ ក្តីសង្ឃឹមរបស់ក្រុមជម្រើសជាតិនីហ្សេរីយ៉ា ក្នុងការរកបានគ្រាប់បាល់តាមស្មើវិញ បានបញ្ចប់ទាំងការខកចិត្ត នៅពាក់កណ្តាលត់ទី២ នៅពេលដែលកីឡាករ Alex Iwobi ដែលដំបូងឡើយបានរងការពិន័យកាតលឿងសម្រាប់ការជាន់លើកីឡាករ Msakni បានរងពិន័យកាតក្រហម ក្រោយពីលោកអាជ្ញាកណ្តាលពិនិត្យវីដេអូ (VAR) ឡើងវិញ។
ក្នុងការប្រកួតវគ្គ១៦ក្រុមចុងក្រោយគូទី១ បួគីណាហ្វាសូ បានប្រើប្រាស់បាល់ប៉េណាល់ទីកាត់សេចក្តីដើម្បីទម្លាក់ក្រុមហ្គាបុង ដែលដណ្តើមបានលទ្ធផលស្មើ ១-១ បន្ទាប់ពីនាទីបន្ថែម១៥នាទី២ដង ក្រោយពីលេងការប្រកួត៥៦នាទីជាមួយនឹងសមាជិកត្រឹមតែ០នា់ ដោយសារតែកីឡាករ Sidney Obissa រងពិន័យកាតក្រហម៕
ប្រភពព័ត៌មាន៖ Channel News Asia