បរទេស៖ ក្លិបសារិកាព្រៃ Newcastle កំពុងតែខិតកាន់តែកៀកក្នុងការនាំយក Bruno Guimaraes ពីក្លិប Lyon ក្រោយពីខ្សែបម្រើការពាររូបនេះ បានយល់ព្រមផ្ទេរ ហើយក្លិបរបស់បារាំងមួយនេះ បានទទួលយកសំណើដេញថ្លៃក្នុងទឹកប្រាក់៤០លានអឺរ៉ូ (ស្មើនឹង៤៥លានដុល្លារអាមេរិក)។
សេចក្តីលម្អិតនានាទាក់ទងនឹងភ្នាក់ងារតំណាង និងក្លិបទាំង២ នឹងត្រូវបំពេញក្នុងឆាប់ៗនេះ ស្របពេលដែល Guimaraes នឹងទទួលការត្រួតពិនិត្យសុខភាព នៅពេលដែលរូបគេវិលទៅប្រទេសប្រេស៊ីលវិញ ពីប្រទេសអេសក្វាទ័រ ដែលជាកន្លែងរូបគេកំពុងស្ថិតជាមួយនឹងក្រុមជម្រើសជាតិរបស់ខ្លួន សម្រាប់ការប្រកួតជម្រុះ World Cup នៅរាត្រីនេះ (ត្រូវនឹងព្រឹកថ្ងៃសុក្រ នៅកម្ពុជា)។ លក្ខខណ្ឌនៃការទូទាត់នានា ក៏ស្ថិតក្នុងចំណោម ដែលត្រូវតែដោះស្រាយរវាងក្លិបទាំង២ផងដែរ។ ក្លិបផ្សេងទៀត រួមទាំង Arsenal និង Juventus ធ្លាប់បានសង្ឃឹមថា នឹងនាំយកខ្សែបម្រើការពារ Guimaraes នៅចុងរដូវកាលនេះ ប៉ុន្តែ ក្លិប Newcastle បានបោះទៅមុខ១ជំហានលើពួកគេទៅហើយ។
កីឡាកររូបនេះ បានចូលរួមជាមួយនឹងក្លិប Lyon កាលពីខែមករា ឆ្នាំ២០២០ ពីក្លិបប្រេស៊ីល Athletico Paranaense។ Newcastle ក៏បានដាក់សំណើដើម្បីនាំយកខ្សែការពារ Dan Burn ពីក្លិប Brighton ផងដែរ ប៉ុន្តែ ត្រូវបានគេច្រានចោល ស្របពេលដែលការព្យាយាមស្វែងរកខ្សែការពារកណ្តាលរបស់ពួកគេនៅតែបន្ត៕
ប្រភពព័ត៌មាន៖ The Guardian