បរទេស៖ Cristiano Ronaldo មានបំណងចង់វិលត្រលប់ទៅកាន់ក្រុមអធិរាជស Real Madrid វិញក្នុងអំឡុងទីផ្សារដោះដូរកីឡាករនិងបើកដំណើរការនៅរដូវក្តៅនេះយោងគេហទំព័រអេស្បាញEl Ntional បានចុះផ្សាយ។ខ្សែប្រយុទ្ធស្លាបក្រុមជម្រើសជាតិព័រទុយហ្គាល់បានសម្រេចវិលត្រលប់មកចូលរួមជាមួយ Man. United ពី ក្រុមJuventus ជាថ្មីម្តងទៀតកាលពីឆ្នាំមុន។ បើទោះបីជាមានវ័យ៣៦ឆ្នាំទៅហើយក្តី ប៉ុន្តែរូបគេបានស្ថិតក្នុងទម្រង់លេងដ៏គួរអោយចាប់អារម្មណ៍ ក្នុងរដូវកាលនេះ ដោយស៊ុតបាន 14 ដងក្នុងការបង្ហាញខ្លួន 23 ដងក្នុងការប្រកួតទាំងអស់។
ទោះបីជាក្រុមMan.Utdកំពុងឈរនៅចំណាត់ថ្នាក់លេខរៀងទី៤ ប៉ុន្តែប្រសិនជាក្រុម ជើងឯកអង់គ្លេស២០សម័យ បរាជ័យក្នុងការរកកៅអីទៅលេងនៅក្របខណ្ឌ Champions League នៅរដូវកាលថ្មី មានន័យថាRonaldo បានស្នើសុំតំណាងភ្នាក់ងាររបស់ខ្លួនគឺលោក Jorge Mendes ដើម្បីស្វែងរកក្លឹបថ្មីបន្តទៀត ។ប្រភពខាងលើន្តថាៈម្ចាស់ពានបាលមាស៥សម័យ រីករាយក្នុងការត្រលប់ទៅជួបជុំជាមួយអតីតក្លឹបអធិរាជស Real Madrid ដើម្បីសម្លឹងឪកាសឈ្នះពាន បន្ថែមទៀតមុនពេលបញ្ចប់អាជីព ស្របពេល Paris Saint-Germain ក៏ជាក្លឹបកំពុងតាមដានយ៉ាងយកចិត្តទុកដាក់លើការអភិវឌ្ឍន៍នេះផងដែរ។
រកបាន៤៥០ គ្រាប់ និងបង្កើតឪកាសបញ្ចប់ទី១៣២ដង ក្នុងការបង្ហាញខ្លួន៤៣៨ប្រកួត ចន្លោះឆ្នាំ ២០០៩ ដល់២០១៨ មុនពេលផ្លាស់ទៅ Juventus ។បច្ចុប្បន្នRonaldo មានកុងត្រានៅ Old Trafford រហូតដល់ខែមិថុនា ឆ្នាំ ២០២៣ ក៏ធ្លាប់បានឈ្នះពានរង្វាន់ La Liga ចំនួនពីរ ពានរង្វាន់ Copa del Rey ចំនួនពីរ និងពានរង្វាន់ Champions League ចំនួនបួនដង អំឡុងពេលប្រកបអាជីពនៅទឹកដី Santiago Bernabeuដែលមានមូលដ្ឋាននៅរាជធានីអេស្ប៉ាញផងដែរ៕
ប្រភពព័ត៍មាន៖ Sportsmole